បារាំង៖ ខ្សែប្រយុទ្ធ Ousmane Dembele នៃក្លិបអ្នកមានបុណ្យ Barcelona និងក្រុមជម្រើសជាតិបារាំង ត្រូវបានគេរាយការណ៍ថានឹងមិនអាចចូលលេងការប្រកួតដែលនៅសល់សម្រាប់ព្រឹត្តិការណ៍បាល់ទាត់ទ្វីបអឺរ៉ុប Euro 2020 បានឡើយដោយសារតែរងរបួស នេះបើយោងតាមការបញ្ជាក់ពីសហព័ន្ធកីឡាបាល់ទាត់បារាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Dembele បានបង្ហាញមុខនៅតង់ទី២ក្នុងការប្រកួតរវាងបារាំង និងហុងគ្រី ដែលលទ្ធផលស្មើ ១ ទល់នឹង ១ ប៉ុន្តែបានរបួសជង្គង់ក្នុងការប្រកួតនោះ។
សហព័ន្ធកីឡាបាល់ទាត់បារាំងបានជូនដំណឹងជាផ្លូវការថា៖
Ousmane Dembele បានធ្វើការពិនិត្យ X-ray នៅមន្ទីរពេទ្យ ប៊ូដាបេស កាលពីយប់ថ្ងៃអាទិត្យ។រយៈពេលនៃការព្យាបាលរបួសគឺធ្វើឲ្យគេមិនអាចលេងក្នុងក្រុមបានទៀតទេ។ បន្ទាប់ពីពិភាក្សាជាមួយកីឡាករនិងក្រុមវេជ្ជបណ្ឌិតលោក Franck le Gall និង លោកគ្រូបង្វឹក Didier Deschamps រួចមក គឺពួកយើងបានសម្រេចដក Dembele ចេញពីការប្រកួតទាំងអស់ដែលនៅសល់។
ក្រៅពី Ousmane Dembele គឺ លោកគ្រូ Deschamps នៅសល់កីឡាករខ្សែប្រយុទ្ធឆ្នើមៗដូចជា Antoine Griezmann, Karim Benzema , Kylian Mbappe, Olivier Giroud, Kingsley Coman និង Wissam Ben Yedder ដូច្នេះក្រុមមាន់គកបារាំងនៅតែមានអាទិភាពក្នុងការឈ្នះពាន Euro 2020 នេះ។
កំលុងពេលនេះ បារាំង ឈរនៅលេខរៀងទី១ក្នុងពូល F ដោយមាន ៤ពិន្ទុ ច្រើនជាង ព័រទុយកាល់ ១ ពិន្ទុ និងអាល្លឺម៉ង់ ៣ ពិន្ទុ ខណៈដែលហុងគ្រី នៅបាតតារាង៕
ប្រភព៖ yahoo
Bong I.T