អេស្ប៉ាញ៖ព័ត៌មានចចាមអារ៉ាមមួយបានលេចឮថា ភ្នាក់ងាររបស់ ខ្សែការពារ Raphael Varane ចង់ជួបចរចាជាមួយអ្នកតំណាងរបស់ក្លិបបិសាចក្រហម Manchester United នៅសប្តាហ៍នេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសារព័ត៌មាន FootMercato គឺកុងត្រារបស់កីឡាករវ័យ២៨ឆ្នាំរូបនេះនៅសល់តែ១ឆ្នាំទៀតប៉ុណ្ណោះ ហើយ Varane មិនសូវសប្បាយចិត្តទេដែល Real Madrid ជ្រើសរើសយកការចរចាជាមួយ Luka Modric, Lucas Vasquez និង Sergio Ramos មុនជាមួយគេ។
Varane ទំនងជាមិនបន្តកុងត្រាថ្មីជាមួយក្លិប Real Madrid នោះឡើយ ហើយចង់ចាកចេញពីទឹកដី Santiago Bernabeu ដើម្បីផ្ទេរមក Manchester United បើទោះបីជា Paris Saint-Germain បានធ្វើការទាក់ទងមកគេក៏ដោយ ឯ Chelsea ក៏ត្រូវបានគេរាយការណ៍ថាចាប់អារម្មណ៍គេដែរ។
Real Madrid អាចនឹងលក់ Varane ប៉ុន្តែមិនមែនក្នុងតម្លៃធូរថ្លៃនោះឡើយ គឺខ្ទង់៥០លានផោន(ស្មើនឹងប្រមាណ៦៩លានដុល្លារ) ស្របពេល Manchester United ចង់បានគេដើម្បីមកចាប់ដៃគូជាមួយ ប្រធានក្រុម Harry Maguire ។
Raphael Varane បានស្នាក់នៅ Real Madrid អស់រយៈពេល១០ឆ្នាំមកហើយ និងបានឈ្នះពាន Champions League ៤ដង,La Liga ៣ដង និង Club World Cup ម្ដង៕
ប្រភព៖ thesun