ពិតទេ? ក្រោយបង្ហាញផ្ទះថ្មី តារាខ្មែរប៉ុន្មានដួងនេះ ត្រូវគេរិះគន់ ត្រឹមជា អ្នកផ្សាយពាណិជ្ជកម្ម?

រាជធានីភ្នំពេញ ៖ ពិតណាស់ លើបណ្តាញសង្គមថ្មីៗនេះ មហាជន ហាក់បីដូចជា ប្លែកចិត្តជាខ្លាំង នៅសុទ្ធៗ ស្រាប់តែ តារាខ្មែរមួយចំនួន បានប្រកាសទិញផ្ទះថ្មី ក្នុងក្តីស្រមៃខ្លួន ព្រមជាមួយនឹង ឃ្លារៀបរាប់ពីអារម្មណ៍ផ្ទាល់ខ្លួន យ៉ាងវែងអន្លាយ។

នៅមិនទាន់អស់ទេ ខណៈពេលនោះ អ្នកលេងបណ្តាញសង្គម សង្កេតឃើញ ម៉ូតរចនាផ្ទះរបស់ អ្នកទាំំងនោះគឺប្រហាក់ប្រហែលគ្នា តែយ៉ាងណាក្តី នេះជាផ្ទះ លក្ខណៈបុរី បើលេងម៉ូតតុបតែងដូចគ្នា គ្មានអ្វីប្លែកទេ តែអ្វីដែលចម្លែកនោះ គឺគាប់ជួន មកទិញស្របពេលគ្នា ជាពិសេសគឺ ហាក់បីដូចជា ណាត់គ្នា មកទិញតែម្តង។

គួរបញ្ជាក់ផងដែរថា នេះគ្រាន់តែជា ការសង្ស័យរបស់ មហាជនមួយចំនួនប៉ុណ្ណោះ ដោយគិតថា នេះគ្រាន់តែជា ការផ្សព្វផ្សាយពាណិជ្ជកម្ម បន្សាយដំណឹងឲ្យធំទូលាយ ដើម្បីឲ្យបានទៅដល់ បងប្អូនខ្មែរ ដែលនិយមទិញផ្ទះថ្មីៗ និងចង់ទិញផ្ទះក្នុងក្តីសុបន្តិរបស់ខ្លួន៕

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖