កម្ពុជា៖ បើយោងតាមគេហទំព័រ Time and date បានឲ្យដឹងថា នៅថ្ងៃទី២១ ខែមិថុនានេះ នឹងកើតមានព្រឹត្តិការណ៍ប្រចាំឆ្នាំមួយគឺវស្សានៈស៊ុលស្ទិស ដែលមានន័យថាពេលថ្ងៃមានរយៈពេលយូរជាងពេលយប់។ ជាទូទៅនៅក្នុងខែមិថុនា រវាងថ្ងៃទី២០ទៅ២២ កាំរស្មីរបស់ព្រះអាទិត្យពេលថ្ងៃត្រង់នឹងកែងនៅចំណុចណាមួយ នៅលើខ្សែស្របទី២៣.៤°ខាងជើងអេក្វាទ័រ ដូច្នេះប្រទេសដែលស្ថិតនៅអឌ្ឍគោលខាងជើងនឹងជួបប្រទះ រយៈពេលថ្ងៃវែងជាងពេលរាល់ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតំបន់ប្រទេសដែលស្ថិតនៅអឌ្ឍគោលខាងជើងមានដូចជាអាមេរិកខាងជើង អាមេរិកកណ្ដាល អឺរ៉ុប អាស៊ី និងអាហ្វ្រិកខាងកើត។ ប្រទេសកម្ពុជារបស់យើងនៅក្នុងចំណោមប្រទេសជាច្រើនដែលស្ថិតក្នុងព្រឹត្តិការណ៍វស្សានៈស៊ុលស្ទិសនេះ ហើយថ្ងៃចន្ទ ទី២១ នេះដែរវេលាម៉ោង១០:៣២ព្រឹក(ម៉ោងនៅកម្ពុជា) កាំរស្មីព្រះអាទិត្យនឹងប៉ះកែងខ្សែស្របខាងជើងអេក្វាទ័រ។
គួរបញ្ជាក់ផងដែរថា សម្រាប់ប្រទេសកម្ពុជារបស់យើង នៅថ្ងៃទី២១ ខែមិថុនានេះ ព្រះអាទិត្យនឹងរះឡើងនៅម៉ោង៥:៣៧ព្រឹក និងលិចទៅវិញនៅម៉ោង៦:២៦ល្ងាច ហើយពេលថ្ងៃមានរយៈពេលរហូតដល់១២ម៉ោងនិង៤៨នាទី។ នៅថ្ងៃនេះដែរ ព្រះអាទិត្យមានចម្ងាយពីផែនដី ប្រហែល១៥២លានគីឡូម៉ែត្រ៕