អេស្ប៉ាញ៖ លោកប្រធានក្លិប Barcelona គឺ Joan Laporta បាននិយាយថា ម្ចាស់ក្លិប Manchester United និង Liverpool គឺជាអ្នកផ្ដួចផ្ដើមបង្កើត European Super League ពិតប្រាកដ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
នៅខែមេសាកន្លងមក ពិភពបាល់ទាត់ទៅជាវឹកវរអស់ដោយសារតែការផ្ទុះឡើងនៃក្របខណ្ឌបាល់ទាត់ថ្មីដែលមានក្លិបធំៗទាំង១២ចូលរួមដោយក្នុងនោះមានក្លិបទាំង៦នៅ Premier League ដូចជា Manchester United, Manchester City, Chelsea, Tottenham Hotspur,Arsenal និង Liverpool សុទ្ធតែបានប្រកាសចូលរួមទាំងអស់ ប៉ុន្តែមិនដល់៤៨ម៉ោងក្រោយមក ក្លិបទាំងអស់ក៏ប្រកាសដកខ្លួនចេញវិញក្រោយរងការតវ៉ាពីសំណាក់អ្នកគាំទ្រខ្លាំងពេក។
អ្នកគាំទ្រចោទថា ម្ចាស់ក្លិបអស់ទាំងនេះមើលឃើញលុយច្រើនជាងស្រឡាញ់បាល់ទាត់ពិតប្រាកដ ខណៈក្រុមនៅសល់មានតែ Barcelona, Real Madrid និង Juventus ដែលមិនទាន់ដកខ្លួនចេញ។
ប៉ុន្តែបើយោងតាមសម្ដីរបស់លោកប្រធាន Joan Laporta គឺ ការពិតទៅ ក្លិបទាំងបីនេះពុំមែនជាអ្នកផ្ដួចផ្ដើមគំនិតបង្កើត European Super League នេះឡើយបើទោះជា ប្រធានក្លិប Real Madrid គឺ Florentino Perez ជាប្រធានក្របខណ្ឌថ្មីនេះក៏ដោយគឺ ម្ចាស់ក្លិប Manchester United និង Liverpool ទៅវិញទេដែលជាអ្នកនៅពីក្រោយវាំងននអស់ទាំងនេះ។
ម្ចាស់របស់ក្លិបបិសាចក្រហម Man UTD គឺលោក Joel Glazer ឯម្ចាស់ក្លិបហង្សក្រហម Liverpool គឺលោក John Henry។
លោក Laporta បាននិយាយថា៖
Liverpool និង United គឺជាអ្នកផ្ដួចផ្ដើមបង្កើត Super League ពិតប្រាកដ។ ដោយសារ UEFA បានគំរាមទៅលើក្លិបទាំងនោះពេក មកទល់ពេលនេះហើយពួកគេនៅមិនទាន់បានបង់ប្រាក់សងសំងឺចិត្តរឿងដកខ្លួនចេញពី Super League ឡើយ។ គ្រោងការណ៍របស់ Super League នៅមានជាធម្មតាទេ វានឹងក្លាយជាការប្រកួតមួយដែលមានភាពប្រកួតប្រជែងដ៏ទាក់ទាញក្នុងពិភពលោកដោយឈរផ្អែកលើសីលធម៌និងសាមគ្គីភាព។
ប្រភព៖ thesun
Bong I.T