និយាយអ៊ីចឹងបានទៀត! Mourinho ថាក្លិបមួយនេះគ្មានប្រវត្តិជោគជ័យទេ

ពេលខ្លះ ខ្ញុំបង្កកំហុស ខ្ញុំមិនបានជាមើលគ្រោងការណ៍របស់ក្រុមនីមួយៗមុនដែលខ្ញុំទទួលដឹកនាំ។ ខ្ញុំតែងតែត្រូវទទួលយកអ្វីដែលខ្ញុំសមគួរនឹងទទួលបាន ប៉ុន្តែចុងក្រោយគ្រប់យ៉ាងវាដូចគ្នាទាំងអស់។ ខ្ញុំនៅតែមិនជឿថាខ្ញុំមានបទពិសោធន៍ដឹកនាំជាង៣០ឆ្នាំក្នុងពិភពបាល់ទាត់ តែខ្ញុំតែងតែព្យាយាមលើកទឹកចិត្តខ្លួនឯង។ កាលខ្ញុំទៅដឹកនាំនៅ Manchester United គឺក្រុមកំពុងស្ថិតក្នុងការផ្លាស់ប្ដូរ។ បន្ទាប់មកខ្ញុំក៏ទៅ Tottenham ដែលមិនធ្លាប់មានប្រវត្តិជោគជ័យ ឥលូវខ្ញុំផ្លាស់មក Roma ដែលកំពុងប្ដូរម្ចាស់ក្លិបថ្មី។ ប៉ុន្តែខ្ញុំមានអារម្មណ៍ថាទាំងថ្នាក់ដឹកនាំនិងម្ចាស់ក្លិបគឺជឿជាក់លើក្ដីស្រឡាញ់នៃបាល់ទាត់របស់ខ្ញុំ។ ដូច្នេះខ្ញុំត្រូវបំពេញបេសកកម្មមួយទៀត គឺបេសកកម្មមិនអាចទៅរួច។ខ្ញុំនិយាយថាមិនអាចទៅរួចព្រោះអ្នករាល់គ្នាតែងតែសម្លឹងឃើញថាខ្ញុំនឹងបរាជ័យដូច្នេះខ្ញុំត្រូវតែយកឈ្នះពួកគេ។