អង់គ្លេស៖ ការប្រកួតរវាង ក្រុមជម្រើសជាតិអង់គ្លេស និងស្កុដ៍ឡែន៍ ក្នុងព្រឹត្តិការណ៍ Euro 2020 បញ្ចប់ដោយលទ្ធផល ០ ទល់នឹង ០ ធ្វើឲ្យអ្នកគាំទ្ររបស់ក្រុមស្កុដឡែន៍ សាទរជាខ្លាំងដោយសារអាចទប់ទល់នឹងក្រុមតោកំណាចរបស់អង់គ្លេសបាននិងថែមទាំងបានលើកសរសើរ ខ្សែបម្រើ Billy Gilmour ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Gilmour បានទទួលងារជាតារាឆ្នើមប្រចាំការប្រកួតឬ Man Of The Match ខណៈដែលក្រុមរបស់លោកគ្រូ Steve Clarke នេះអាចមានសិទ្ធិឡើងទៅវគ្គ១៦ក្រុមចុងក្រោយនៅ Euro ឆ្នាំ2020 នេះហើយ។
លោកគ្រូបង្វឹក Jose Mourinho ក៏មិនខុសពីអ្នករាល់គ្នាគឺពិតជាស្ញើចសរសើរនឹងទម្រង់លេងរបស់ ខ្សែបម្រើវ័យ២០ឆ្នាំនេះណាស់ ដោយនិយាយថាគេមើលទៅវិវត្តន៍ខ្លួនបានល្អជាងមុនឆ្ងាយណាស់។
លោកគ្រូ Mourinho បានថ្លែងប្រាប់ talkSPORT ថា៖
ក្មេងឈ្មោះ Gilmour នោះគឺពិតជាខុសប្លែកពីគេមែន គឺគេតែងតែចង់ឲ្យការប្រកួតនេះរឹតតែស្វិតស្វាញនិងដាក់សំពាធគូប្រកួតដែរ។ McGinn អាចឡើងមកលេងនៅតំបន់ខាងលើបានហើយខ្សែប្រយុទ្ធពីររូបទៀតនោះក៏ប្រឹងប្រែងលេងណាស់ដែរ។ ការប្រកួតនេះគឺជាឧទាហរណ៍មួយបញ្ជាក់ពីសតិអារម្មណ៍របស់ពួកគេ។ Steve Clarke បានរៀបចំក្រុមនេះប្រកបដោយយុទ្ធសាស្ត្រដ៏ល្អ ប៉ុន្តែអ្វីដែលសំខាន់គឺក្រុមនេះមានស្មារតីខ្លាំងមែនទែន។ ពួកគេរួមគ្នាជាក្រុមមួយនិងត្រៀមខ្លួនរួចរាល់ក្នុងការចូលក្នុងសមរភូមិប្រកួត។ ពួកគេបានត្រឡប់ទៅផ្ទះព្រមជាមួយលទ្ធផលបែបប្រវត្តិសាស្ត្រ ប៉ុន្តែនៅតែអាចឆ្លងដល់វគ្គ១៦ក្រុម។ ពិតជាកោតសរសើរ ស្កុដឡែន៍ណាស់។
គួរបញ្ជាក់ផងដែរថា ការប្រកួតបន្ទាប់គឺ ស្កុដឡែន៍ ត្រូវជួបជាមួយ ក្រូអាត ក្នុងពូល D នៅថ្ងៃទី២៣ខែមិថុនា វេលាម៉ោង២ទាបភ្លឺ៕
ប្រភព៖ metro
Bong I.T