ខ្លឹម ស្រីគា គ្រងឈុត«ហរិហរាល័យ ភិមានអប្សរ» ស្រស់ស្អាតខ្លាំង

ភ្នំពេញ៖ អតីត Miss Grand Cambodia 2017 កញ្ញា ខ្លឹម ស្រីគា ក្រោយបញ្ចប់ការប្រកួតរួច នាងក៏ទទួលបានតំណែងតួឯកថតក្នុងរឿងភាគថ្មីភ្លាមៗ។ មិនតែប៉ុណ្ណោះ គេសង្កេតឃើញនាងទទួលបានការងារសិល្បៈជាហូរហែ សឹងតែគ្មានពេលទំនេរតែម្ដង។ លើសពីនេះទៅទៀត ទោះចូលសិល្បៈមិនបានច្រើនឆ្នាំ តែតារារូបនេះមានប្រជាប្រិយភាពមិនចាញ់តារាជើងចាស់រាមច្បងឡើយ។

ម្យ៉ាងវិញទៀត បើមើលទៅលើរូបសម្រស់កញ្ញា ខ្លឹម ស្រីគា ឃើញថា នាងនៅតែអាចថែរក្សាសម្រស់ឲ្យនៅស្រស់ស្អាត ជាពិសេស រូបរាងរបស់នាងកាន់តែស្គមជាងមុនទៀតផង។ មិនតែប៉ុណ្ណោះ អតីតបវរកញ្ញារូបនេះ កាន់តែមានស្ទាយ៍តុបតែងខ្លួនលេចធ្លោ ស៊ីវិល័យ និងបង្ហាញភាពទាក់ទាញជាងមុន។ គ្រប់រូបភាពដែលនាងបង្ហោះ តែងតែទទួលបានការសរសើរពីហ្វេន និងអ្នកលេងបណ្ដាញសង្គមស្ទើរគ្រប់ពេលតែម្ដង។

ដោយឡែកថ្មីៗនេះ កញ្ញា ខ្លឹម ស្រីគា រឹតតែធ្វើឲ្យហ្វេនចំហរមាត់ អត់ទ្រាំលង់នឹងសម្រស់នាងបានឡើយ ខណៈតារារូបនេះ ថតរូបគ្រងនូវឈុតបុរាណមួយមានឈ្មោះ«ហរិហរាល័យ ភិមានអប្សរ» ហើយឈុតមួយនេះពិតជាបានធ្វើឲ្យសម្រស់របស់នាងស្អាតកើនឡើងទ្វេដងផងដែរ។ មិនត្រឹមតែឈុត និងរូបសម្រស់ទេដែលចាប់អារម្មណ៍ នាងបានបង្ហាញទឹកមុខយ៉ាងទន់ភ្លន់ ចំណែកកាយវិការល្វត់ល្វន់សមជានារីខ្មែរតែម្ដង៕

ប្រភពរូបភាព៖ Von Socheat

សូមទស្សនារូបភាពខាងក្រោម៖