ដំណឹងល្អសម្រាប់អ្នកកោះកុង! រដ្ឋបាលខេត្តជូនដំណឹងពីយុទ្ធនាការចាក់វ៉ាក់សាំងបង្ការជំងឺកូវីដ-១៩ ចាប់ពីថ្ងៃទី២០តទៅ

កោះកុង: យោងតាមសេចក្តីជូនដំណឹងរបស់រដ្ឋបាលខេត្តកោះកុង សូមគោរពជម្រាបជូនដល់សាធារណជនឱ្យបាន ជ្រាបថា មន្ទីរសុខាភិបាលខេត្តនឹងបើកយុទ្ធនាការចាក់វ៉ាក់សាំងកូវីដ-១៩ ជូនចំពោះប្រជាពលរដ្ឋទូទៅ (អាយុចាប់ ពី ១៨ឆ្នាំឡើងទៅ) ចាប់ពីថ្ងៃទី ២០ ខែមិថុនា ឆ្នាំ២០២១ នេះតទៅ ដែលមានទីតាំងដូចខាងក្រោម៖

១/. ក្រុងខេមរភូមិន្ទ មានទីតាំងចាក់វ៉ាក់សាំងចំនួន ២កន្លែង៖

ក. សាខាកាកបាទក្រហមខេត្តកោះកុង (ភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង)

ខ. មជ្ឈមណ្ឌល ស៊ូន នឹង (ផ្លូវឆ្មាបាត់ ភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង)

បញ្ជាក់៖ យោងតាមផែនការ យើងនឹងបើកចាក់ជូនប្រជាពលរដ្ឋឱ្យបានរួចរាល់ក្នុងរយៈពេល ៣ ថ្ងៃ។ ក្នុងករណីមានការប្រែប្រួល យើងនឹងជូនដំណឹងជាថ្មីនៅពេលក្រោយ។

២. ស្រុកស្រែអំបិល មានទីតាំងចាក់វ៉ាក់សាំងចំនួន ៣កន្លែង៖

ក. សាលាបឋមសិក្សាស្រែអំបិល (ភូមិស្រែអំបិល ឃុំស្រែអំបិល ស្រុកស្រែអំបិល ខេត្តកោះកុង

ខ. សាលាបឋមសិក្សាជីខលើ (ភូមិជីខ ឃុំជីខលើ ស្រុកស្រែអំបិល ខេត្តកោះកុង)

គ. សាលាបឋមសិក្សាបឹងព្រាវ (ភូមិបឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង)។ 

អាស្រ័យដូចបានជំរាបជូនខាងលើ សូមសាធារណជនទាំងអស់ ដែលមិនទាន់បានចាក់វ៉ាក់សាំងកូវីដ-១៩ អញ្ជើញ មកចាក់វ៉ាក់សាំងនៅតាមទីតាំង និងកាលបរិច្ឆេទដែលបានកំណត់ជូនដូចខាងលើកុំបីខាន ដោយភ្ជាប់មកជាមួយនូវ អត្ត សញ្ញាណប័ណ្ណ ឬ លិខិតឆ្លងដែន ឬ សំបុត្រកំណើត ឬ សៀវភៅស្នាក់នៅជាដើម៕

ចង់ជ្រាបព័ត៌មានឲ្យកាន់តែលម្អិតជាងនេះទៅទៀតនោះ សូមអានសេចក្តីលម្អិតដែលមានភ្ជាប់ជូននៅផ្នែកខាងក្រោមនេះ៖