ចិន៖ ផូស៊ីលសត្វរមាសយក្សពីរដែលមានអាយុកាលប្រហែល22លានឆ្នាំ ត្រូវបានគេរកឃើញនៅក្នុងប្រទេសចិន នេះបើយោងតាមការសិក្សាដែលចេញផ្សាយកាលពីថ្ងៃព្រហស្បតិ៍។

ពួកវាស្ថិតក្នុងចំណោមសត្វដ៏មហិមាដទៃទៀតដែលត្រូវបានគេរកឃើញនៅដើមសតវត្សរ៍មុន។ សត្វរមាសយក្សទាំងនេះធំជាងសត្វរមាសធម្មតា ហើយច្រើនតែមានកម្ពស់ជាង6ម៉ែត្រនិងមានទម្ងន់ជាង20តោន ដែលធ្វើឱ្យពួកវាធំជាងសត្វដំរី mammoths និងថនិកសត្វធំជាងគេដែលធ្លាប់មានជីវិតទៅទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផូស៊ីលថ្មីនេះត្រូវបានគេរកឃើញ នៅខែឧសភា ឆ្នាំ2015 នៅតំបន់ Linxia នៃខេត្តកានស៊ូនៅភាគពាយព្យប្រទេសចិន។ ផូស៊ីលមួយមានលលាដ៍ក្បាល ឆ្អឹងថ្គាម និងធ្មេញ និងឆ្អឹង atlas vertebra ដែលជាកន្លែងដែលក្បាលភ្ជាប់ទៅនឹងឆ្អឹងខ្នង ចំណែកផូស៊ីលមួយទៀតមានឆ្អឹងខ្នងបី។

(ប្រភព៖ Tao Deng)

ដោយផ្អែកលើផូស៊ីលទាំងនេះ អ្នកវិទ្យាសាស្ត្របានរៀបរូបរាងសត្វបុរាណមួយនេះឡើងវិញ។ ហើយភាពខុសប្លែកនៃគ្រោងឆ្អឹងសត្វទាំងនេះ បានធ្វើឱ្យអ្នកវិទ្យាសាស្ត្រចាត់ថ្នាក់សត្វនេះជាប្រភេទសត្វថ្មីមួយ នេះបើយោងតាមការស្រាវជ្រាវដែលត្រូវបានចុះផ្សាយនៅក្នុងទិនានុប្បវត្តិ Communications Biology។ ពួកគេបានដាក់ឈ្មោះវាថា Paraceratherium linxiaense ដែលឈ្មោះដំបូងគឺបានមកពីក្រុមសត្វរមាសដ៏ធំរបស់វា និងឈ្មោះទីពីរបានមកពីតំបន់ដែលវាត្រូវបានគេរកឃើញ។

គួរបញ្ចាក់ផងដែរថា មិនមានសត្វរមាសយក្សណាមួយមានស្នែងនៅលើច្រមុះនោះទេ ទោះបីជាវាជាបុព្វបុរសរបស់សត្វរមាសសម័យបច្ចុប្បន្នក៏ដោយ៕

រូបគំនូរ (ប្រភព៖ Yu Chen)

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]