អឺរ៉ុប៖ លោក Ashley Cole បានលើកការកោតសរសើរចំពោះការអភិវឌ្ឍន៍ខ្លួនបានឆាប់រហ័សរបស់កីឡាករ Romelu Lukaku ចាប់តាំងពីគាត់បានផ្ទេរចេញពីក្រុម Chelsea កាលពី ១០ ឆ្នាំមុន, ក្នុងនោះ Cole ក៏បានរំលឹករឿងជូរចត់មួយ កំលុងពេលដែលខ្សែប្រយុទ្ធសញ្ជាតិ ប៊ែលហ្ស៊ិក ស្នាក់នៅទឹកដី Stamford Bridge ដោយលោកបានអះអាងថានៅពេលនោះ គ្មាននរណាម្នាក់ផ្តល់ការគោរពទៅឱ្យ Lukaku នោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅក្នុងរដូវកាលនេះ Lukaku បានជាប់ជាកីឡាករឆ្នើមបំផុតនៅក្នុងក្របខណ្ឌ Serie A របស់ប្រទេស អ៊ីតាលី បន្ទាប់ពីខ្សែប្រយុទ្ធរូបនេះ រកគ្រាប់បាល់បានចំនួន ២៤ គ្រាប់ និង បញ្ជូនឱ្យមិត្តរួមក្រុមសម្រេចគោលដៅបានចំនួន ១១ លើក, ហើយនេះជាភាពជោគជ័យបំផុតមួយនៅក្នុងអាជីពរបស់គាត់ ចាប់តាំងពីគាត់បានផ្ទេរចេញពីទឹកដីរបស់ប្រទេស អង់គ្លេស។
ទោះបីជាអ្វីៗហាក់មិនដំណើរការដោយរលូនសម្រាប់ Lukaku កាលស្នាក់នៅ Chelsea ក៏ដោយ, ក៏លោក Cole ជឿជាក់យ៉ាងមុតមាំថា គាត់គឺជាខ្សែប្រយុទ្ធដ៏ល្អបំផុតនៅលើពិភពលោកយើងនេះ, ហើយគាត់គឺត្រូវការចំនុចមួយដែលចាប់ផ្តើមពីជំហានដំបូងផងដែរ។
រំលឹករឿងពីអតីតកាលរបស់ Lukaku អតីតខ្សែការពារស្លាបឆ្វេងរបស់ក្រុម តោខៀវ បានមានប្រសាសន៍ប្រាប់ទៅកាន់ទូរទស្សន៍ ITV Sport យ៉ាងដូច្នេះថា៖
គាត់បានមកចូលរួមនៅទីនេះត្រឹមតែជាក្មេងម្នាក់, កាលនោះគាត់មានអាយុ ១៧ ឆ្នាំ។ Didier Drogba គឺបានក្លាយជាឪពុកធម៌របស់គេ ជានិច្ចជាកាលគាត់តែងតែជួយពន្យល់ពីបច្ចេកទេស និងចំណេះដឹងផ្សេងៗទៅកាន់ Lukaku។ ខ្ញុំគិតថាគ្មាននរណាម្នាក់បានផ្តល់ការគោរពទៅឱ្យគាត់កាលនៅ Chelsea នោះទេ។ នៅពេលដែលគាត់បានលេង, តើគាត់នឹងអាចក្លាយជាខ្សែប្រយុទ្ធកំពូលនៅ Chelsea ដែរ ឬ ទេ? គាត់តែងតែមាន Drogba នៅចាំជួយគាំទ្រពីក្រោយជានិច្ច៕
ប្រភព៖ Metro
Bong I.T