អ្នកវិទ្យាសាស្ត្របង្ហាញក្ដីបារម្ភថា ផែនដីបានស្រូបនិងរក្សាកម្ដៅ កើនឡើងទ្វេដង

បរទេស៖ ផែនដីបានកំពុងស្រូបរក្សាកម្ដៅជិតពីរដង ដូចអ្វីដែលធ្លាប់មាននៅក្នុងឆ្នាំ២០០៥ នេះបើយោងតាមការស្រាវជ្រាវថ្មីមួយ  ដែលបង្ហាញថាការកើនឡើងមិនធ្លាប់មានពីមុន ចំពេលមានវិបត្តិអាកាសធាតុ។ ក្រុមអ្នកវិទ្យាសាស្ត្រមកពីអង្គការណាសា ភ្នាក់ងារអវកាសអាមេរិក និងរដ្ឋបាលមហាសមុទ្រនិងបរិយាកាសជាតិ (Noaa) បានរាយការណ៍នៅក្នុងការសិក្សាថ្មីថា អតុល្យភាពថាមពលរបស់ផែនដីមានចំនួនប្រហែលទ្វេដង ពីឆ្នាំ២០០៥ដល់ឆ្នាំ២០១៩។ ការកើនឡើងនេះត្រូវបានគេចាត់ទុកថា ជាការគួរឲ្យព្រួយបារម្ភ។

អតុល្យភាពថាមពលសំដៅទៅលើ ភាពខុសគ្នារវាងចំនួនថាមពលវិទ្យុសកម្មរបស់ព្រះអាទិត្យត្រូវបានស្រូបយកដោយបរិយាកាសនិងផ្ទៃផែនដី បើប្រៀបធៀបទៅនឹងកាំរស្មីអាំងប្រាក្រហមនៃកម្ដៅជះត្រឡប់ទៅកាន់លំហវិញ។ ណាសាបាននិយាយនៅក្នុងសេចក្ដីថ្លែងការណ៍មួយ អំពីការសិក្សានេះថា អតុល្យភាពថាមពលវិជ្ជមានមានន័យថា ប្រព័ន្ធផែនដីកំពុងទទួលថាមពលដែលបណ្ដាលឲ្យវាឡើងកម្ដៅ។ អ្នកវិទ្យាសាស្ត្របានកំណត់ថា មានអតុល្យភាពថាមពល ដោយប្រៀបធៀបទិន្នន័យពីឧបករណ៍ចាប់សញ្ញាផ្កាយរណប ដែលតាមដានពីរបៀបថាមពលចូលនិងចេញពីប្រព័ន្ធរបស់ផែនដី និងទិន្នន័យបណ្ដែតពីមហាសមុទ្រ។

ដោយសារតែប្រហែល៩០ភាគរយនៃថាមពលលើសពីអតុល្យភាពកម្លាំងខ្យល់បក់នៅលើមហាសមុទ្រ ទិន្នន័យរបស់ឧបករណ៍ចាប់សញ្ញាផ្កាយរណបគួរតែត្រូវគ្នា ជាមួយនឹងការប្រែប្រួលសីតុណ្ហភាពនៃមហាសមុទ្រ។ ការសិក្សាបានបង្ហាញថា ការកើនឡើងទ្វេដងនេះគឺជាលទ្ធផលមួយផ្នែក ដោយមានការកើនឡើងនៃឧស្ម័នផ្ទះកញ្ចក់និងចំហាយទឹក ក៏ដូចជាការថយចុះពពកនិងទឹកកក៕