អង់គ្លេស៖ ក្រុមហ៊ុនមួយនៅពីក្រោយដោយក្រុមហ៊ុន Amazon គ្រោងនឹងសាងសង់រោងចក្រលាយសាកល្បងនុយក្លេអ៊ែរ ទ្រង់ទ្រាយធំមួយ ក្នុងតំបន់ Oxfordshire។ General Fusion របស់កាណាដាគឺជាក្រុមហ៊ុនឯកជនឈានមុខមួយ ដែលមានគោលបំណងបង្វែរក្ដីសង្ឃឹមនៃការលាយបញ្ចូល ឲ្យទៅជាប្រភពថាមពលដែលអាចធ្វើពាណិជ្ជកម្មបាន។

រោងចក្រថ្មីនេះនឹងត្រូវបានសាងសង់នៅឯភូមិ Culham ដែលជាកន្លែងសម្រាប់កម្មវិធីស្រាវជ្រាវការលាយបញ្ចូលជាតិរបស់ចក្រភពអង់គ្លេស។ វានឹងមិនបង្កើតថាមពលទេ ប៉ុន្តែនឹងមានទំហំ៧០ភាគរយនៃរ៉េអាក់ទ័រពាណិជ្ជកម្ម។ ក្រុម General Fusion នឹងចូលជាភតិសន្យាពាណិជ្ជកម្មរយៈពេលវែង ជាមូយអាជ្ញាធរ UK Atomic Energy Authority បន្ទាប់ពីសាងសង់អាគារនេះនៅបរិវេណ Culham។ ខណៈពេលដែលព័ត៌មានលម្អិតអំពីពាណិជ្ជកម្មមិនត្រូវបានបង្ហាញឲ្យដឹង ការអភិវឌ្ឍត្រូវបានគេនិយាយថាមានតម្លៃប្រហែល៤០០លានដុល្លារ។ វាមានគោលដៅប្រតិបត្តិការនៅឆ្នាំ២០២៥។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
រូបតំណាងរោងចក្រលាយនុយក្លេអ៊ែរ

ការលាយបញ្ចូលគឺជាដំណើរការដែលព្រះអាទិត្យបង្កើតថាមពល។ ការយកថាមពលនេះមកប្រើនៅលើផែនដី ត្រូវបានគេមើលឃើញថា ជាជំហានដ៏សំខាន់ឆ្ពោះទៅរកថាមពលនុយក្លេអ៊ែរបៃតង។ វាខុសគ្នាពីវិធីសាស្ត្រនុយក្លេអ៊ែរបុរាណ ដោយព្យាយាមលាយបញ្ចូលអាតូមជាមួយគ្នា ជាជាងញែកពួកវា។ តាមទ្រឹស្ដី ការលាយបញ្ចូលគ្នានឹងផ្ដល់ប្រភពថាមពលគ្មានជាតិកាបូន ដែលមានសុវត្ថិភាពជាងមុន ដែលផលិតកាកសំណល់វិទ្យុសកម្មតិចតួច។ ប៉ុន្តែការយកអាតូមទៅលាយជាមួយគ្នានៅសីតុណ្ហភាពច្រើនដង នាំឲ្យក្ដៅជាងស្រទាប់ខាងលើនៃព្រះអាទិត្យទៅទៀត ដែលបានបង្ហាញពីបញ្ហាប្រឈមខាងបច្ចេកវិទ្យានិងហិរញ្ញវត្ថុយ៉ាងខ្លាំង៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]