អ៊ុយក្រែន៖ កាលពីថ្ងៃទិវានៃក្ដីស្រលាញ់ ១៤កុម្ភៈ ឆ្នាំ២០២១កន្លងទៅនេះ មានគូស្នេហ៍មួយគូ ឈ្មោះថា Alexander អាយុ៣៣ឆ្នាំ និង Viktoria អាយុ២៩ឆ្នាំ មកពីប្រទេសអ៊ុយក្រែន បានសម្រេចចិត្តយកច្រវ៉ាក់ចងដៃភ្ជាប់គ្នារយៈពេល៣ខែ ដោយមានគម្លាតដៃពីគ្នា២ ទៅ៣សង់ទីម៉ែត្រប៉ុណ្ណោះ ដើម្បីតេស្តមើលពីក្ដីស្រលាញ់របស់ពួកគេទាំងពីរ ដែលមានឲ្យគ្នាទៅវិញទៅមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែទោះជាយ៉ាងណាក៏ដោយ ក្រោយពីជាប់ច្រវ៉ាក់ដៃគ្នាអស់រយៈពេល១២៣ថ្ងៃមក ឥលូវនេះ ពួកគេទាំងពីរបានកាត់ផ្ដាច់ច្រវ៉ាក់ចេញនៅពីមុខរូបចម្លាក់មួយ ដែលជាកន្លែងពួកគេចាប់ផ្ដើមចងច្រវ៉ាក់ដៃដំបូង ហើយទន្ទឹមនឹងនេះដែរ ពួកគេក៏បានសម្រេចចិត្តចែកផ្លូវគ្នាតែម្ដង។
យ៉ាងណាមិញ ចំពោះមូលហេតុនៃការចែកផ្លូវគ្នានេះ គឺដោយសារតែការស់នៅមិនសូវចុះសម្រុងគ្នា ដោយពួកគេមានទម្លាប់ខុសៗពីគ្នា។ ហើយពួកគេទាំងពីរ ពិតជាមានមោទកភាពយ៉ាងខ្លាំង ដែលបានបង្កើតកំណត់ត្រាប្លែកសម្រាប់ប្រទេសអ៊ុយក្រែន ដែលអាចរស់នៅដោយចងច្រវ៉ាក់ដៃភ្ជាប់គ្នាបានរយៈពេល៣ខែផងដែរ៕
សូមទស្សនារូបភាពនិងវីដេអូខាងក្រោម៖
ប្រភព: Daily Mail