បរទេស៖ ការសិក្សាថ្មីមួយដោយក្រុមអ្នកស្រាវជ្រាវនៅសាកលវិទ្យាល័យ University of Arizona (UArizona) បានបង្ហាញថា ដើមកំណើតនៃអាចម៍ផ្កាយ 16 Psyche អាចនឹងខុសពីអ្វីដែលយើងធ្លាប់បានជឿកាលពីមុន។ ការសិក្សាថ្មីក៏បានចង្អុលបញ្ជាក់ថា អាចម៍ផ្កាយនេះប្រហែលមិនមានលោហធាតុហាប់ណែន ដូចអ្នករាល់គ្នាជឿនោះទេ។ ការសិក្សាបានធ្វើឡើងដោយនិស្សិតនៃសាកលវិទ្យាល័យ UArizona។ ការសិក្សាមួយត្រូវបានត្រួតពិនិត្យ នឹងចេញផ្សាយនៅលើទិនានុប្បវត្តិ The Planetary Science។

តាមការសិក្សា អាចម៍ផ្កាយ 16 Psyche មានលោហធាតុ៨២.៥ភាគរយ, រ៉ែ pyroxene បរិមាណដែកទាប ៧ភាគរយ, chondrite កាបូន ១០.៥ភាគរយ ដែលត្រូវបានបញ្ជូនមកតាមរយៈការបុកទង្គិចគ្នារវាងអាចម៍ផ្កាយផ្សេងទៀត។ ការរកឃើញក្នុងពេលបច្ចុប្បន្ននេះ ផ្ទុយពីការសង្កេតកាលពីមុន ដោយធ្លាប់លើកឡើងថា មានលោហធាតុហាប់ណែន៩៥ភាគរយនៅលើអាចម៍ផ្កាយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដំបូងឡើយគេជឿថា 16 Psyche អាចជាស្នូលដែកនៃកូនភពមួយ ដែលមិនអាចផ្សំជាភព ចាប់តាំងកំណកំណើតដំបូងនៃប្រព័ន្ធព្រះអាទិត្យ។ តាមការប៉ាន់ស្មាន វាអាចមានតម្លៃដល់​ ១០,០០០ក្វាទី្រលានដុល្លារ ($10,000,000,000,000,000,000)។ ឥឡូវ ការស្រាវជ្រាវបានបង្ហាញថា វាមានរន្ធប្រហោង៣៥ភាគរយ ដែលគ្មានអ្វីទាំងអស់នៅខាងក្នុង។ ដោយប្រើប្រាស់ពន្លឺព្រះអាទិត្យចាំងជះត្រឡប់ពីផ្ទៃអាចម៍ផ្កាយ ការរកឃើញសមាសធាតុត្រូវបានប៉ាន់ប្រមាណកាលពីមុន ដែលមានពន្លឺចាំងជះហាក់ដូចជាលោហធាតុផ្សេងៗអ៊ីចឹង៕

 អាចម៍ផ្កាយ 16 Psyche
 អាចម៍ផ្កាយ 16 Psyche

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]