អុញ! ប៉ូលិស ដែលគេប្រកាសថារកឃើញមិនទាន់ស្លាប់ ក្រោយពីជួបគ្រោះស៊ូណាមិកាលពីជាង១៧ឆ្នាំមុន តាមពិត...

ឥណ្ឌូណេស៊ី៖ ប្រិយមិត្តអ្នកអានមួយចំនួនប្រាកដជាបានជ្រាបខ្លះៗហើយ ទាក់ទងទៅនឹងមន្ត្រីប៉ូលិសម្នាក់ឈ្មោះ Abrip Asep ដែលត្រូវបានប្រកាសថាស្លាប់ដោយសារតែរលកយក្សស៊ូណាមិឥណ្ឌូណេស៊ីឆ្នាំ២០០៤ តែត្រូវបានរាយការណ៍ថារកឃើញនៅមានជីវិតកាលពីខែមីនា ឆ្នាំ២០២១នេះ បន្ទាប់ពីមានបញ្ហាផ្លូវចិត្តពេលឃើញសោកនាដកម្មយ៉ាងរន្ធត់គ្រានោះ និងសម្រាកព្យាបាលនៅមន្ទីរពេទ្យវិកលចរិត។

ទន្ទឺមនឹងនោះដែរ ក្រុមគ្រួសាររបស់បុរសខាងលើ មានការភ្ញាក់ផ្អើល និងសប្បាយចិត្តជាខ្លាំង បន្ទាប់បានដឹងថា គាត់នៅមានជីវិតរស់នៅ ទាំងដែលក្រុមគ្រួសារព្យាយាមស្វែងរកដំណឹង ដោយមិនដឹងថាស្លាប់ឬរស់អស់រយៈពេលជាយូរឆ្នាំមកនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ កាលពីប៉ុន្មានថ្ងៃមុននេះ ប៉ូលិសក្នុងតំបន់បានធ្វើតេស្ត DNA រវាងលោក Abrip និងក្រុមគ្រួសារ ដែលលទ្ធផលចេញមកមិនដូចជាការគិតឡើយ ដោយផ្ទុយទៅវិញ ពួកគេមិនមែនជាសាច់ញាតិនឹងគ្នាទេ ហើយដំណឹងនេះ បានធ្វើឲ្យក្រុមគ្រួសារមានការខកចិត្តយ៉ាងខ្លាំងផងដែរ។

អ្នកនាំពាក្យប៉ូលិសម្នាក់ បាននិយាយថា៖

គួររម្លឹកដែរថា មន្ត្រីប៉ូលិស Abrip បានកំពុងបំពេញភារកិច្ច នៅពេលដែលរលកយក្សស៊ូណាមិ នៅមហាសមុទ្រឥណ្ឌាបានវាយប្រហារលើខេត្ត Aceh ភាគខាងលិចប្រទេសឥណ្ឌូណេស៊ីចំថ្ងៃ Boxing Day ទី២៦ ខែធ្នូ ឆ្នាំ២០០៤។ ហើយគ្រួសាររបស់គាត់មានការកើតទុក្ខយ៉ាងខ្លាំង បន្ទាប់ពីគាត់ត្រូវបានគេរាយការណ៍ថាបាត់ខ្លួន និងប្រកាសថាស្លាប់៕

សូមទស្សនារូបភាពខាងក្រោម៖

ប្រភព: Daily Mail

• រូបភាព