អង់គ្លេស៖ ខ្សែប្រយុទ្ធដែលមកពីក្លិបបិសាចក្រហម Manchester United កីឡាករ Marcus Rashford បាននិយាយថាក្រុមជម្រើសជាតិអង់គ្លេសមិនខ្លាចញញើតនឹងក្រុមណាមួយនោះទេ នៅក្នុងការប្រកួតបាត់ទាត់ជើងឯកទ្វីបអ៊ឺរ៉ុប EURO 2020 ហើយក្រុមពួកគេមានសមត្ថភាពប្រកួតប្រជែង ក្នុងការប្រកួតធំៗស្រាប់ តាំងពី World Cup មកម្ល៉េះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ខ្សែប្រយុទ្ធវ័យក្មេងរូបនេះ បាននិយាយយ៉ាងដូច្នេះថា៖
យើងមិនខ្លាចក្រុមណាមួយឡើយ។ មានក្រុមណាលេងបានល្អ និងគួរឲ្យចាប់អារម្មណ៍ដូចយើង?...ពិតមែនហើយ មានក្រុមដែលបង្ហាញទម្រង់លេងបានល្អមួយចំនួន ដែលធ្វើបានឲ្យអ្នកអង្គុយទស្សនាបានយ៉ាងរីករាយ។ ហើយប្រសិនបើយើងឈ្នះការប្រកួតក្នុងពូល នោះយើងនឹងត្រូវប៉ះក្រុមខ្លាំងៗ យើងទន្ទឹងរង់ចាំការប្រកួតទាំងនោះណាស់។
គួរឲ្យដឹងថា សម្រាប់ការប្រកួតក្នុងវគ្គសន្សំពិន្ទុពូល D ក្រុមតោកំណាចអង់គ្លេសបានបើកឆាកប្រកួតទី១របស់ខ្លួន ដោយបានយកឈ្នះលើក្រុមអណ្ដាតភ្លើងក្រូអាត ក្នុងលទ្ធតានតឹង ១ ទល់នឹង ០ ឈរនៅចំណាត់លេខ២ មាន៣ពិន្ទុ។ ហើយនៅប្រកួតបន្ទាប់ នឹងត្រូវតទល់នឹងក្រុមជម្រើសជាតិស្កុតឡែនវិញម្ដង៕
ប្រភព៖ yahoo
Bong I.T