កណ្ដាល ៖ បុរសម្នាក់ដែល ទើបរៀបការ បានចំនួន១០ថ្ងៃ បានស្លាប់បាត់បង់ជីវិត ក្រោយក្រុមគ្រួសារ និង ក្រុមគ្រូពេទ្យខិតខំ ជួយសង្គ្រោះយ៉ាង សស្រាក់សស្រាំ នៅតែ មិនអាចជួយ ឱ្យរស់រានមាន ជីវិតបាន ដោយ សារអំណាចជាតិ ថ្នាំពុលបានជ្រាបចូលពេញ ខ្លួនប្រាណ កាលពីវេលាម៉ោង៨និង៣០នាទី ព្រឹកថ្ងៃទី១៨ ខែ មេសា ឆ្នាំ២០១២ ស្ថិតនៅ ភូមិកោះរះ ឃុំកោះរះ ស្រុកល្វាឯម ខេត្ដ កណ្ដាល ។

តាមប្រភពព័ត៌មានពីសមត្ថកិច្ចបានឱ្យ ដឹងថា ជនរងគ្រោះដែលផឹកថ្នាំបាញ់សម្លាប់ ស្មៅបណ្ដាលឱ្យស្លាប់បាត់បង់ជីវិតនេះ មាន ឈ្មោះ ឈុំ ពៅ ភេទប្រុស អាយុ២១ឆ្នាំ ស្នាក់នៅភូមិឃុំកើតហេតុ។

ស្ដ្រី អន ចន្ធូ អាយុ ២២ឆ្នាំ ដែលត្រូវជា ប្រពន្ធរបស់ជនរងគ្រោះ បានឱ្យដឹងថា នៅ មុនពេលកើតហេតុ ជនរងគ្រោះបានផឹកថ្នាំ សម្លាប់ស្មៅអស់មួយដប។
តាមសាច់ញាតិជនរងគ្រោះ បានឱ្យដឹង ថា ពីរនាក់ប្ដីប្រពន្ធនេះ ទើបនឹងរៀបការ បានប្រមាណ១០ថ្ងៃប៉ុណ្ណោះ។ ប្រភពពីក្រុម គ្រួសារបន្ដថា មូលហេតុដែល ជនរងគ្រោះ ផឹកថ្នាំពុលសម្លាប់ខ្លួននេះ ប្រហែលមកពីខឹង ម្ដាយ ដែលបានលក់សត្វសេះជាទីស្រឡាញ់ របស់ខ្លួន។

សូមបញ្ជាក់ថា ប្រជាពលរដ្ឋនៅភូមិ កោះរះ ឃុំកោះរះនេះ ប្រកបរបររកស៊ីបររទេះ សេះ ធ្វើជាមធ្យោបាយក្នុងការដឹកជញ្ជូន ទំនិញ និងពឹងពាក់ លើសត្វធ្វើជាយានជំនិះ ផងដែរ ៕

ដោយ ៖ ប៉ិច នរៈ

ផ្តល់សិទ្ធដោយ ដើមអម្ពិល

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ