អាល្លឺម៉ង់៖ ខ្សែការពារ Antonio Rudiger បានចេញមុខបកស្រាយទាក់ទងនឹងហេតុការណ៍ក្នុងការប្រកួតរវាង បារាំង ទល់នឹង អាល្លឺម៉ង់ នៅ Euro 2020 ដែល ខ្សែបម្រើ Paul Pogba បាននិយាយថាខ្លួនបានខាំត្រង់កញ្ចឹងកផ្នែកខាងក្រោយរបស់គេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Rudiger បានបដិសេធថាគេមិនបានធ្វើដូច្នេះឡើយគឺមកពីកំលុងពេលនោះកីឡាករទាំងពីរនៅកៀកកិតគ្នាពេក ហើយគេមិនបានមានចេតនាចង់បង្កហិង្សាណាមួយលើរាងកាយរបស់ Paul Pogba នោះឡើយហើយរូបភាពនោះវាមើលទៅដូចជាដាក់បន្ទុកទៅលើគេខ្លាំងពេកហើយ។
កាលណោះ Pogba ថែមទាំងបានតវ៉ាទៅអាជ្ញាកណ្ដាលទៀតផងប៉ុន្តែ Rudiger មិនត្រូវបានដាក់ពិន័យឲ្យកាតលឿង ឬកាតក្រហម ឡើយ។
Antonio Rudiger បានបង្ហោះសារមួយបកស្រាយថា៖
ខ្ញុំមិនគួរយកមាត់ខ្ញុំទៅជិតខ្នងរបស់គេឡើយ វាមើលទៅសំណាងមិននៅខាងខ្ញុំសោះ។ Paul និងខ្ញុំបាននិយាយពីវាបន្ទាប់ពីការប្រកួតចប់ហើយគេក៏បាននិយាយប្រាប់អ្នកសារព័ត៌មានថាវាមិនមែនការខាំទេគឺជាការទង្គិចនឹងធ្មេញតិចតួច សូម្បីក្នុងការប្រកួត បើសិនខ្ញុំបានខាំគេពិតមែន លោកអាជ្ញាកណ្ដាលមុខជាប្រាប់ខ្ញុំថាគាត់នឹងពិន័យខ្ញុំហើយ។"
គួរបញ្ជាក់ផងដែរថា ក្រុមជម្រើសជាតិអាល្លឺម៉ង់ នឹងត្រូវប្រកួតជាមួយក្រុមជម្រើសជាតិព័រទុយកាល់នៅថ្ងៃទី១៩ វេលាម៉ោង១១យប់៕
ប្រភព៖ goal
Bong I.T