អង់គ្លេស៖ លោក Paul Merson ដែលជាវីរបុរសរបស់ក្លិបកាំភ្លើងធំ Arsenal បាននិយាយថា ខ្សែការពារ Luke Shaw និង Ben Chilwell គួរតែត្រឡប់ទៅផ្ទះវិញបន្ទាប់ពីលោកគ្រូបង្វឹក Gareth Southgate មិនបានដាក់ឲ្យអ្នកទាំងពីរបានចូលលេងក្នុងការប្រកួតបើកឆាក Euro របស់អង់គ្លេស ទល់នឹង ក្រូអាត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជំនួសមកវិញ លោកគ្រូបានដាក់ឲ្យខ្សែការពារ Kieran Trippier ចូលលេងជាខ្សែការពារស្លាបស្តាំជំនួស Luke Shaw និង Chilwell ប៉ុន្តែអង់គ្លេសបានយកឈ្នះក្រូអាត ១ ទល់នឹង ០។
Shaw ដែលលេងនៅ Manchester United កំពុងឡើងជើងខ្លាំងតាំងពីដើមឆ្នាំនេះមកទើបត្រូវលោកគ្រូកោះហៅឲ្យចូលជម្រើសជាតិ ឯ Chilwell ក៏ល្អណាស់ដែរដោយបានចូលលេងយ៉ាងទៀងទាត់ជាមួយ Chelsea និងថែមទាំងបានជួយក្រុមលើកពាន Champions League ទៀតផង។
វាពិតជាចម្លែកណាស់ដែល Ben Chilwell មិនមានឈ្មោះចូលប្រកួតនៅក្នុងការប្រកួតជាមួយ ក្រូអាត ដោយ Southgate បានលើកឡើងថាដោយសារ Trippier មានបទពិសោធន៍ច្រើនជាង ទើបលោកគ្រូប្រើប្រាស់គេ។
ប៉ុន្តែលោក Paul Merson បែរជានិយាយថា៖
Gareth ពិតជានឹងធឹងណាស់និងជឿជាក់លើការសម្រេចចិត្តរបស់គេ។ គេប្រហែលជាគិតថា ៖ អ្នកដឹងទេថាខ្ញុំជឿលើការគិតរបស់ខ្លួនឯងហើយខ្ញុំនឹងមិនស្តាប់អ្នកផ្សេងនិយាយទេ។ វាជាការងាររបស់ខ្ញុំ ខ្ញុំត្រូវធ្វើបែបនេះ។ តែបើសិនអង់គ្លេសចាញ់ក្នុងការប្រកួតទល់នឹងក្រូអាតនោះ គេនឹងមានរឿងធំមិនខាន។បើសិនខ្ញុំជា Luke Shaw និង Ben Chilwell គឺខ្ញុំនឹងត្រឡប់ទៅផ្ទះវិញ ព្រោះ Gareth មើលទៅដូចជាពេញចិត្តឲ្យ Trippier លេងនៅខ្សែការពារស្លាបស្ដាំ។
គួរបញ្ជាក់ផងដែរថា ការប្រកួតបន្ទាប់របស់អង់គ្លេសគឺ ត្រូវជួបជាមួយក្រុមជម្រើសជាតិស្កុដ៍ឡែន៍នៅថ្ងៃសៅរ៍ ទី១៩ វេលាម៉ោង២រំលងអធ្រាត្រ៕
ប្រភព៖ metro
Bong I.T