កូរ៉េខាងត្បូង៖ ការប្រកួតប្រជែងមួយរបស់កូរ៉េខាងត្បូង ហៅថា “Space Out” ត្រូវបានវិលត្រលប់មកវិញជាថ្មីម្ដងទៀត ដែលប្រារព្ធធ្វើឡើងនៅក្នុងព្រៃមួយនៅឯកោះ Jeju ខាងត្បូង កាលពីថ្មីៗកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតាមប្រភពព័ត៌មានបានឲ្យដឹងថា ការប្រកួតនេះ មានអ្នកចូលរួមជាច្រើននាក់សឹងតែគ្រប់វ័យ ដោយតម្រូវឲ្យអង្គុយស្ងៀមមួយកន្លែងរយៈពេល៩០នាទី និងមិនអនុញ្ញាតឲ្យប្រើប្រាស់ទូរសព្ទ មើលនាឡិកា និយាយ បរិភោគ គេង ឬសើចទេ។ ហើយក្នុងអំឡុងរយៈពេល៩០នាទី ជារៀងរាល់១៥នាទីម្ដង អ្នកចូលរួមប្រកួតក៏ទទួលបានការពិនិត្យចង្វាក់បេះដូងផងដែរ។
យ៉ាងណាមិញ អ្នកដែលឈ្នះការប្រកួត និងទទួលពានរង្វាន់នោះ គឺជាអ្នកមានចង្វាក់បេះដូងទាបបំផុត និងមានស្ថេរភាពបំផុត។
ចំពោះការប្រកួតនេះដែរ ត្រូវបង្កើតឲ្យមានឡើងក្នុងឆ្នាំ២០១៤ ដោយគោលបំណងចង់លើកកម្ពស់ជីវិត កុំឲ្យមានភាពតានតឹង និងប្រយុទ្ធប្រឆាំងទៅនឹងបញ្ហាជីវិតផ្សេងៗទៀត៕
សូមទស្សនារូបភាពខាងក្រោម៖
ប្រភព: Worldofbuzz