តើអ្វីដែលធ្វើឲ្យតារានិករនីមួយៗមានសេចក្ដីសុខ និងមិនអាចខ្វះបាន?

យល់ដឹង៖ មនុស្សម្នាក់ៗរមែងតែងតែនឹកឃើញនូវអ្វីមួយ ដើម្បីផ្ដល់សុភមង្គលពេញលេញ ចំពោះជីវិតរៀងខ្លួន។ 

សេចក្ដីសុខ និងតម្រូវការ អាចពួកគេរស់នៅដោយសុខសាន្ដ និងស្ងប់ស្ងាត់ ហើយក៏ធ្វើឲ្យការងាររបស់ពួកគេ កាន់តែល្អប្រសើរ ហើយក្លាយជាគូស្វាម៉ីភរិយាដ៏ល្អ និងយកចិត្តទុកដាក់បំផុតចំពោះកូនៗ។

ដូច្នេះខាងក្រោមនេះ​ យើងនឹងបង្ហាញអ្នកថា តើអ្វីដែលធ្វើមនុស្សម្នាក់ៗមិនអាចរស់នៅដោយខ្វះវាបាន ដោយផ្អែកលើតាតារានិករនីមួយៗ ៖

♈️ Aries (Mar 21 – Apr 19)

ក្នុងនាមជាតារានិករធាតុភ្លើង ពួកគេការជម្នះបញ្ហា និងសេចក្តីអំណរ ដល់ជ័យជំនះជាបន្តបន្ទាប់ក្នុងជីវិតរបស់ពួកគេ។ វានឹងធ្វើពួកគេ ស្ថិតនៅក្នុងបេសកកម្មផ្តាច់មុខមួយនេះ បានយូរអង្វែង។

♉️ Taurus (Apr 20 – May 20)

តារានិករដែលស្ថិតក្នុងធាតុដីមួយនេះ​ Taurus គឺពិតជាមិនអាចរស់នៅបាន ដោយខ្វះការមើលឃើញសាច់ញាតិរបស់ពួកគេ មានសុខភាពល្អ និងមានសេចក្ដីសុខ។​ វាគឺជាជម្រើសដ៏ល្អបំផុតសម្រាប់ Taurus ដើម្បីឲ្យមានអារម្មណ៍រីករាយ ព្រោះពួកគេជាមនុស្សដែលស្រលាញ់គ្រួសារណាស់។

♊️ Gemini (May 21 – Jun 20)

តារានិករដែលតំនាងឲ្យកូនភ្លោះនេះ គឺពួកគេពិតជាត្រូវការសេរីភាពជាទីបំផុត នៅក្នុងជីវិតរបស់គេ។ 

សេរីភាពក្នុងការធ្វើអ្វីមួយ មិនថាជម្រើសការងារ ផ្ទះសម្បែង និងសម្លៀកបំពាក់ ទើបធ្វើឲ្យ Gemini មានផាសុខភាព និងដកដង្ហើមបានស្រួល នៅក្នុងជីវិត។

♋️ Cancer (Jun 21 – Jul 22)

Cancer ពេញចិត្តនឹងជីវិតរបស់ពួកគេ នៅពេលដែលពួកគេមានអារម្មណ៍ថា នៅចំចំនុចកណ្តាល ជាមួយគ្រួសារ និងមិត្តភក្តិ ទោះបីជានៅកន្លែងណាមួយក៏ដោយ គឺបានន័យថា តែងមានអារម្មណ៍កក់ក្ដៅជានិច្ច រាល់ពេលដែលនៅជាមួយពួកគេ។ ម្យ៉ាងទៀតការមានសមត្ថភាព ក្នុងការជួយនរណាម្នាក់ ក៏នឹងធ្វើឱ្យពួកគេ មានអារម្មណ៍ធូរស្បើយដែរ។

♌️ Leo (Jul 23 – Aug 22)

តារានិករដែលតំនាងឲ្យសត្វតោ Leo យល់ឃើញថា លក្ខណៈពិសេសរបស់ពួកគេ គឺជាអ្វីមួយដែលធ្វើឱ្យមនុស្សគ្រប់គ្នាចងចាំពួកគេ។ នេះធ្វើឱ្យពួកគេបន្តដើរផ្លូវត្រូវ ទៅមុខ​ និងមិនអាចខ្វះបាន នៅក្នុងជីវិតរបស់ពួកគេ។ ពួកគេបន្តធ្វើអ្វីដែលល្អៗ និងពិសេស ចំពោះមនុស្សដែលនៅជុំវិញខ្លួន ឲ្យបានច្រើនបំផុត តាមដែលអាចធ្វើបាន។

♍️ Virgo (Aug 23 – Sep 22)

តារនិករ Virgo ជាតារានិករដែលប្រាថ្នាចង់បាននៅភាពល្អឥតខ្ចោះបំផុត នៅក្នុងជីវិត។ ស្ថេរភាព សន្តិភាព និងការមានសេចក្ដីសុខ ក្នុងជីវិតគ្រប់គ្រាន់ អាចផ្តល់ឱ្យ Virgo នូវសុខភាពផ្លូវចិត្ត និងសុភមង្គលជាបន្តបន្ទាប់។ ហើយទាំងនេះគឺជាអ្វីដែលពួកគេ មិនអាចខ្វះបាន នៅក្នុងជីវិត។

♎️ Libra (Sep 23 – Oct 22)

តារានិករ Libra ដែលតំនាងឲ្យតុល្យភាព ការស្វែងរកភាពស្រស់ស្អាត នៅក្នុងជីវិតតាមរយៈ ភាពសុខដុម ពិតជានាំឲ្យ Libra ឈ្ពោះទៅរកការច្នៃប្រឌិត ដែលអាចធ្វើឱ្យពួកគេមានអារម្មណ៍ ដូចជាពួកគេស្ថិតនៅលើឋានសួគ៌។ ហើយវាជាអ្វីដែលពួកគេ មិនអាចខ្វះបាន នៅក្នុងជីវិត។

♏️ Scorpio (Oct 23 – Nov 21)

ការរៀនរីករាយ នឹងរឿងតូចតាចទាំងអស់ ហើយចៀសវាងការធ្វើឲ្យជីវិតធ្លាក់ចុះ និងបរាជ័យ ជាមួយនឹងអ្វីមួយ នោះគឺជាអ្វីដែលពួកគេចង់បានបំផុត នៅក្នុងជីវិតសម្រាប់ Scorpio។ ទោះជាយ៉ាងណាក៏ដោយ នៅពេលពួកគេចាប់ផ្តើមមានឥរិយាបថបែបនេះ ជីវិតរបស់ពួកគេ នឹងទទួលបានពណ៌រស់រវើកជាថ្មីជានិច្ច។

♐️ Sagittarius (Nov 22 – Dec 21)

សម្រាប់តារានិករ​ Sagittarius មនុស្សទាំងនេះត្រូវការធនធានហិរញ្ញវត្ថុច្រើន ដើម្បីអនុវត្តរាល់គម្រោងការធ្វើដំណើរ និងសូម្បីតែការប្រជុំជាមួយមិត្តភក្តិ។ ពួកគេមិនអាចរស់ ដោយគ្មានលុយបានទេ ព្រោះវាអាចធ្វើឲ្យពួកគេមានអ្វីៗគ្រប់យ៉ាង មានតែលុយទេ ដែលនឹងធ្វើឱ្យពួកគេសប្បាយរីករាយនៅក្នុងជីវិត។

♑️ Capricorn (Dec 22 – Jan 19)

តារានិករនេះ Capricorn នេះពួកគេតែងតែសុបិន្តចង់ក្លាយជាមនុស្សម្នាក់ ដែលមានជីវភាពធូរធារ ដើម្បីកុំឲ្យមានភាពលំបាកនៅក្នុងគ្រួសារ ដូច្នេះពួកគេចាប់យកខ្លួនឯង ឲ្យឈានទៅរកវាជានិច្ច និងចៀសវាងនូវភាពក្រីក្រ។ ផ្នត់គំនិតបែបនេះរបស់ពួកគេ តែងតែជម្រុញឲ្យពួកគេ ប្តេជ្ញាចិត្ត​ និងខិតខំប្រឹងប្រែងបំផុត នៅក្នុងជីវិត។

♒️ Aquarius (Jan 20 – Feb 18)

តារានិករធាតុខ្យល់នេះ ចូលចិត្តបំផុតនៅពេលដែលនរណាម្នាក់សរសើរពួកគេ។ ពួកគេនឹងទទួលបានការពេញចិត្តយ៉ាងខ្លាំង នៅពេលដែលអ្នក វាយតម្លៃការងាររបស់ពួកគេ ថាធ្វើបានល្អ និងល្អឥតខ្ចោះ។ នេះគឺជាអ្វីដែលអាចធ្វើឱ្យពួកគេសប្បាយរីករាយ និងចង់ឮជានិច្ច នៅក្នុងជីវិតរបស់ពួកគេ។

♓️ Pisces (Feb 19 – Mar 20)

តារានិករ Pisces តែងតែចង់ទទួលបាននូវការស្រលាញ់ពីមនុស្ស ដែលនៅជុំវិញខ្លួន ​និងមនុស្សដែលជិតស្និទ្ធបំផុត មិនថាអ្នកស្គាល់គ្នា និងសូម្បីតែ អ្នកមិនដែលស្គាល់ពីមុនមក នោះគឺដើម្បីឲ្យជីវិតរបស់ពួកគេ មានអារម្មណ៍ថាសុខស្រួល មិនចាំបាច់ថាត្រូវខ្វាយខ្វល់ពីអ្នកណា។ នេះជាអ្វីដែលពួកគេត្រូវការបំផុត នៅក្នុងជីវិត។

ប្រភព: fabiosa