អីយ៉ាស់! Man UTD កំពុងសម្លឹងឃើញអ្នកចាំទីឆ្នើមរូបនេះបន្ទាប់ពីបរាជ័យក្នុងការនាំយក Donnarumma

អង់គ្លេស៖ ក្លិបបិសាចក្រហម Manchester United បានប្រជែងចាញ់ Paris Saint-Germain ក្នុងការនាំយកអ្នកចាំទី Gianluigi Donnarumma ទើបពួកគេកំពុងស្វែងរកបេក្ខភាពអ្នកចាំទីផ្សេងទៀត ដោយយោងតាមការរាយការណ៍គឺ ក្លិបកំពុងចង់បាន អ្នកចាំទី Keylor Navas នៃក្លិប PSG ។

កីឡាករសញ្ជាតិកូស្តារីការូបនេះទំនងជាអាចចាកចេញពីទឹកដី Parc des Princes នៅរដូវក្ដៅនេះក្រោយក្លិបបាននាំយក Donnarumma ដោយគ្មានតម្លៃខ្លួនពីក្លិប AC Milan ដែលគេរំពឹងទុកថា Donnarumma នឹងក្លាយជាអ្នកចាំទីដៃទី១ជំនួស Navas។

ដំណឹងនេះធ្វើឲ្យ Navas មិនសូវសប្បាយចិត្តឡើយដោយគេថែមទាំងបានបង្ហោះសាររបៀបដៀមដាមដល់ក្លិប PSG ទាក់ទងនឹងរឿងនេះដែរថា៖

កាលនៅ Real Madrid គេក៏បានធ្លាក់ដៃក្លាយជាអ្នកចាំទីដៃទី២ផងដែរទើប Keylor Navas បានចាកចេញពី Real Madrid មកកាន់ PSG ដោយបានជួយក្លិបឲ្យឈ្នះពាន Ligue 1 និងថែមទាំងបានចូលលេងនៅវគ្គផ្ដាច់ព្រ័ត្រ Champions League ផងដែរ។

យ៉ាងណាមិញ មិនមែនតែ Man UTD ទេដែលចង់បាន Navas គឺ Juventus និង AC Milan ក៏ចាប់អារម្មណ៍ចង់បានគេដែរខណៈកុងត្រារបស់គេនៅសល់រហូតដល់ឆ្នាំ២០២៤ ឯណោះដូច្នេះ PSG ទំនងជាទារប្រាក់ថ្លៃផ្ទេរប្រមាណ ១២លានអឺរ៉ូ(ស្មើនឹង១៤.៥លានដុល្លារ)៕

ប្រភព៖ mirror