អេស្ប៉ាញ៖ តាំងពីផ្ទេរមក Barcelona ក្នុងឆ្នាំ២០១៨ ខ្សែបម្រើ Philippe Coutinho លេងមិនសូវល្អដូចគ្រប់គ្នារំពឹងទុកនោះឡើយ បើទោះបីជាតម្លៃខ្លួនផ្ទេររបស់គេពី Liverpool មក Camp Nou គឺដល់ទៅ១៤២លានផោន(ស្មើនឹងប្រមាណ១៩៩.៨លានដុល្លារ) ក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះ Barcelona ត្រៀមនឹងលក់កីឡាករសញ្ជាតិប្រេស៊ីលរូបនេះនៅរដូវក្ដៅនេះហើយស្របពេលកុងត្រារបស់គេនៅសល់ដល់ទៅ២ឆ្នាំទៀតឯណោះប៉ុន្តែក្លិបបានប្រាប់គេថាគេអាចចាកចេញបាន។
ទន្ទឹមគ្នានោះដែរ ក្លិបកញ្ជ្រោង Leicester City ក៏ត្រូវបានគេរាយការណ៍ថាចាប់អារម្មណ៍ចង់ទិញយក Coutinho ដោយអាចដាក់តម្លៃខ្ទង់ ១៧លានផោន(ស្មើនឹងប្រមាណ២៣.៩លានដុល្លារ)ឬក៏សុំខ្ចីជើងកីឡាកររូបនេះឲ្យមកជួបជុំជាមួយអតីតគ្រូបង្វឹក Brendan Rodgers ដែលធ្លាប់ដឹកនាំ Coutinho នៅ Liverpool វិញ។
យ៉ាងណាមិញ តម្លៃផ្ទេរនេះវារាងទាបពេកហើយសម្រាប់ Barcelona បើធៀបនឹងថ្លៃដែលក្លិបត្រូវចំណាយក្នុងការទិញយក Phillipe Coutinho ពី Liverpool ប៉ុន្តែក្លិបគ្មានជម្រើសផ្សេងនោះឡើយក្រៅពីលក់រូបគេដោយសារបើសិនរូបគេចូលលេងឲ្យ Barca បាន១០០ប្រកួតនោះក្លិបនឹងត្រូវបង់ប្រាក់ចំនួន១៨លានផោន (ស្មើនឹងប្រមាណ ២៥.៣លានដុល្លារ)។
ក្នុងនោះដែរ Arsenal,Tottenham,Chelsea និង Marseille ក៏សម្លឹងចង់បាន Coutinho ផងដែរ៕
ប្រភព៖ mirror