ក្រុមមេឃខៀវ Manchester City ត្រូវបានគេរាយការណ៍ថាបានដាក់កីឡាករចំនួន ៧ នាក់នៅក្នុងបញ្ជីលក់ចេញរបស់ពួកគេនៅរដូវកាលដោះដូររដូវក្តៅខាងមុខនេះ ដើម្បីត្រៀមលុយទិញយកកីឡាករគីឡូធ្ងន់ៗ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សPep Guardiola កំពុងសម្លឹងរកការពង្រឹងទាំងខ្សែបំរើនិងតំបន់ប្រយុទ្ធ ហើយមានទំនាក់ទំនងយ៉ាងខ្លាំងជាមួយនឹងការផ្លាស់ប្តូរសម្រាប់ Jack Grealish របស់ Aston Villa និង Harry Kane របស់ Tottenham Hotspur ។
ជាមួយនឹងការចាកចេញរបស់កីឡាករជើងចាស់ Sergio Aguero ទៅកាន់ក្លឹប Barcelona មេឃខៀវ Man City សង្ឃឹមថានឹងចុះកុងត្រាថ្មីជាមួយខ្សែប្រយុទ្ធតំបន់កណ្តាលហើយកីឡាករ Kane ត្រូវបានគេជឿជាក់ថាស្ថិតនៅលំដាប់កំពូលនៃបញ្ជីអាទិភាពរបស់ពួកគេ។
យោងតាមសារព័ត៌មាន Birmingham Mail បានឱ្យដឹងថាកីឡាករសញ្ជាតិព័រទុយហ្កាល់ Bernardo Silva និង Joao Cancelo គឺជាកីឡាករ ២ នាក់ក្នុងចំណោម ៧ នាក់ដែល Man City ត្រៀមលក់ដើម្បីជួយបង្កើតទឹកលុយដើម្បីទិញកីឡាករថ្មី ។ ខណៈដែល Raheem Sterling, Gabriel Jesus, Riyad Mahrez និង Ilkay Gundogan គឺជាក្រុមដំបូងគេដែលធ្លាប់មានទំនាក់ទំនងយ៉ាងខ្លាំងក្នុងការចាកចេញពីពហុកីឡដ្ឋាន Etihad នារដូវក្តៅនេះ៕