ភ្នំពេញ៖ អ្នកណាថាមិនស្គាល់អ្នកនាង សិទ្ធី នីកា ដោយនាងជាតារាសម្ដែងស្រីម្នាក់មានទាំងសម្រស់ និងសមត្ថភាពសិល្បៈខ្លាំងថែមទៀតផង។ គ្រប់សាច់រឿងដែលតារារូបនេះសម្ដែងសុទ្ធសឹងតែទទួលបានការគាំទ្រច្រើនពីទស្សនិកជនកជនគ្រប់មជ្ឈដ្ឋានតែម្ដង។ លើសពីនេះទៅទៀត គេសង្កេតឃើញការងារនាងនាពេលនេះកាន់តែមានភាពមមាញឹកជាមួយការងារសិល្បៈសឹងតែមិនមានពេលទំនេរនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ តារាសម្ដែងស្រីរាងតូចច្រឡឹងរូបនេះ ក្រោយជោគជ័យលើវិថីសិល្បៈអស់ជាច្រើនឆ្នាំ នាងក៏មានស្វាមី និងកូនប្រុសម្នាក់ផងដែរ។ មិនតែប៉ុណ្ណោះ បន្ទាប់ពីមានកូនរួចតារាស្រីរូបនេះ តែងតែបង្ហាញពីជីវិតគ្រួសារយ៉ាងមានសុភមង្គលទៅកាន់អ្នកគាំទ្របានឃើញជាញឹកញាប់ទៀតផង។
ពិតណាស់ អ្នកនាង សិទ្ធី នីកា មានកូនប្រុសម្នាក់ ហើយនាងក៏ឧស្សាហ៍បង្ហោះរូបកូនលើបណ្ដាញសង្គមឲ្យអ្នកគាំទ្របានឃើញថែមទៀតផង។ ដោយថ្មីៗនេះនាងបានផុសរូបកូនជាច្រើនសន្លឹក មើលទៅកូនប្រុសរបស់តារារូបនេះ ពិតជាមានមុខមាត់ស្អាត ឃ្យូតមិនចាញ់នាងឡើយ។ បើនិយាយពីការរៀបចំខ្លួនវិញគួរឲ្យក្នាញ់ខ្លាំង ជាពិសេសរូបភាពថ្មីនេះ ឃើញថាកូនរបស់នាងកាន់តែធំធាត់ជាងមុនគួរឲ្យកត់សម្កាល់៕
សូមទស្សនារូបភាពខាងក្រោម៖