ភ្នំពេញ៖ មហាជនជ្រាបរួចមកហើយ អំពីការស្លាប់របស់កុមារា ហុង កាលពីយប់ថ្ងៃទី១១ ខែមិថុនា ឆ្នាំ២០២១ កន្លងទៅ ដោយសារតែគាត់បានឡើងតោងឡានសណ្ដោងម៉ាសុីនភ្លេីងនិងបានលោតចុះមកក្រោយ ក៏ស្រាប់តែត្រូវកន្ទុយខាងក្រោយអូសកិនជាច្រើនម៉ែត្របណ្តាលឱ្យស្លាប់ភ្លាមៗនៅនឹងកន្លែង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរ កាលពីថ្ងៃទី១២ ខែមិថុនា ឆ្នាំ២០២១ កន្លងទៅនេះ សពកុមារា ត្រូវបានដឹកយកមកបូជានៅក្នុងវត្តព្រែកលៀប ស្ថិតក្នុងខណ្ឌជ្រោយចង្វារ រាជធានីភ្នំពេញ ខណ:ដែលពុំមានសាច់ញាតិរបស់ប្អូនប្រុសណាម្នាក់មកជូនដំណើរជាលើកចុងក្រោយ ផ្ទុយទៅវិញគេឃើញមានតែអ្នកដែលអាណិតប្អូនប្រុស មកចូលរួមទៅវិញ។
ដោយឡែក នៅថ្ងៃទី១៤ ខែមិថុនា ឆ្នាំ២០២១នេះ ស្រាប់តែលេចមុខឪពុកបង្កើតរបស់កុមារា ហុង ទៅទទួលយកធាតុរបស់គាត់ ទៅធ្វើបុណ្យតាមប្រពៃណី នៅខេត្តព្រះសីហនុ ដែលជាកំណើតរបស់ប្អូនប្រុស ហុង នេះបើគណនីហ្វេសប៊ុកដែលមានឈ្មោះថា Tep Monyrot បានឱ្យដឹង៕