បរទេស៖ កាលពីពេលកន្លងទៅថ្មីៗនេះ តារាឆ្នើមជម្រើសជាតិដាណឺម៉ាក កីឡាករ Christian Eriksen បានដួលសន្លប់ភ្លាមៗនៅលើទីលានអំឡុងការប្រកួតព្រិត្តិការណ៍ Euro ២០២០ កាលពីថ្ងៃសៅរ៍រវាងដាណឺម៉ាក និងហ្វាំងឡង់ ក្រោយមកក្រុមគ្រូពេទ្យបញ្ជាក់ថាគាត់មានបញ្ហាបេះដូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រោយបានទៅដល់មន្ទីរពេទ្យ តារាឆ្នើមរូបនេះក៏បានដឹងខ្លួនវិញក្រោយពីទទួលបានការព្យាបាល ពិនិត្យយ៉ាងយកចិត្តទុកដាក់ពីសំណាក់ក្រុមគ្រូពេទ្យ។ ក្រោយដឹងខ្លួនវិញតារាឆ្នើមរូបនេះក៏បានសម្តែងការថ្លែងអំណរគុណទៅកាន់អ្នកគាំទ្រ ក៏ដូចជាគ្រូពេទ្យ។ លោកបានថ្លែងបែបនេះថា៖
អរគុណអ្នកទាំងអស់គ្នា ខ្ញុំមិនបោះបង់ចោលទេ។ ខ្ញុំបានធូរស្បើយច្រើនហើយ ប៉ុន្តែខ្ញុំចង់ដឹងថាអ្វីបានកើតឡើងមកលើខ្ញុំ។ ខ្ញុំចង់និយាយពាក្យអរគុណ សម្រាប់អ្វីដែលអ្នកទាំងអស់គ្នាបានធ្វើដើម្បីខ្ញុំ។
ទាក់ទិននឹងបញ្ហារបស់ Eriksen នេះផងដែរ ក្រុមគ្រូពេទ្យរបស់ជម្រើសជាតិដាណឺម៉ាក បានលើកឡើងថា៖
ការពិនិត្យបានធ្វើឡើង ដោយទទួលបានលទ្ធផលល្អ។ យើងមិនមានការបញ្ជាក់នោះទេថាហេតុអ្វីបានជារឿងនេះកើតឡើង ខ្ញុំមិនអាចឆ្លើយបានទេ។ ខ្ញុំមិនបានឃើញហេតុការណ៍ដោយផ្ទាល់ទេ បានត្រឹមឃើញលើទូរទស្សន៍ អ្នកក៏ឃើញដូចខ្ញុំដែរ ម្លោះហើយមិនមានការពន្យល់អ្វីនោះទេ។
ក្រុមគ្រូពេទ្យក៏បានលើកឡើងផងដែរថា Eriksen គាត់គាំងបេះដូង គាត់បានស្លាប់បាត់ទៅហើយ ប៉ុន្តែយើងអាចសង្គ្រោះគាត់មកវិញបានទាន់ពេល៕
Bong I.T