កាលពីព្រឹក ថ្ងៃទី ២៣ ខែឧសភា ឆ្នាំ ២០២១ កន្លងទៅ តារាចម្រៀងដ៏ល្បីប្រចាំផលិតកម្មរស្មីហង្សមាស លោក ឆន សុវណ្ណារាជ បានជួបនូវទុក្ខក្រោមក្រំ ដោយអ្នកម្តាយជាទីស្រឡាញ់របស់ខ្លួន បានទទួលមរណៈភាពដោយសារតែជំងឺលើសឈាម និង រោគបេះដូង ដែលក្នុងពិធីបុណ្យសពនោះ លោកឆន សុវណ្ណរាជក៏បានបួសមុខភ្លើងដើម្បីសងគុណអ្នកម្តាយរបស់ខ្លួផងដែរ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមកទល់ពេលនេះ លោកឆន សុវណ្ណរាជ ហាក់នៅមិនទាន់ធ្វើចិត្តបាន១០០%ឡើយចំពោះការបាត់បង់មនុស្សជាទីស្រលាញ់តែម្នាក់នេះ ដោយនៅតែនឹកស្រណោះអាល័យ រហូតដល់ទំលាយរូបភាពមួយសន្លឹកនៅលើបណ្តាញសង្គមរបស់ខ្លួននៅមុននេះបន្តិច អមជាមួយពាក្យពេជ្រដ៏គួរឲ្យស្រណោះថា ៖
ស្នាមញញឹមចុងក្រោយដែលកូនបាននិយាយជាមួយម៉ាក់ តាមវីដេអូខល អរគុណដល់ហ្វេនម្នាក់ដែលបានជួយធ្វើវាអោយច្បាស់ សំរាប់ខ្ញុំ ម៉ាក់ទៅបានសុខហើយ ម៉ាក់លែងពិបាកហើយ ព្រោះម៉ាក់ទ្រាំជាមួយជំងឺនេះជិត២០ឆ្នាំមកហើយ ។ស្នាមញញឹមរបស់ម៉ាក់ គឺជាក្តីសុខរបស់កូនម្នាក់នេះ កូននឹងសន្យាថា នឹងរឹងមាំ មើលថែរក្សារគ្រួសារមួយនេះអោយល្អ ជំនួសម៉ាក់ ម៉ាក់ទៅកាន់ឋានសួគ៌ សោយសុខ អោយស្ងប់ចិត្តចុះណាម៉ាក់ កូននឹងរឹងមាំហើយអោយខ្លាំងដូចជាម៉ាក់អ៊ីចឹង ម៉ាក់ជាស្រ្តីមេម៉ាយ តែម៉ាក់អាចចិញ្ចឹមកូនបានយ៉ាងល្អ ដល់ទៅ៦នាក់ ម៉ាក់គឺជាវីរនារីក្នុងបេះដូងកូនរហូត អំពើល្អមិនសាបសូន្យ ជាពាក្យម៉ាក់តែងតែប្រាប់កូនៗ ទាំងអស់គ្នា កូនសន្យាថា នឹងរឹងមាំ ហើយបន្តដំណើរជីវិតជាមួយក្រុមគួសារយើងបន្តទៀត លើលោកនេះកូនស្រលាញ់ម៉ាក់ជាងគេ I love you mum
គួររំលឹកផងដែរថា លោក ឆន សុវណ្ណរាជ បានបួសសងគុណម្តាយអស់រយះពេល៧ថ្ងៃ នឹងលាចាកសឹក្ខាបទវិញនៅថ្ងៃទី ៣០ ខែឧសភា ឆ្នាំ២០២១ ៕
Bong I.T