កូរ៉េខាងត្បូង ៖ ថ្មីៗនេះនៅក្នុងបទសម្ភាសន៍ជាមួយ Rolling Stone ក្រុមចម្រៀងស្រី TWICE បានចែករំលែករឿងរ៉ាវនានាទាក់ទងនឹងការ Come Back របស់ពួកគេ ផលប៉ះពាល់នៃជំងឺកូវីដ១៩ ដែលជះឥទ្ធិពលដល់ក្រុម និងគោលបំណងនាពេលអនាគតបន្ទាប់ពី ស្ថានភាពជំងឺឆ្លងដ៏កាចសាហាវនេះស្ថិតក្នុងស្ថានភាពអាចគ្រប់គ្រងបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ស្របនឹងនេះដែរ សមាជិកក្រុម Momo បានបង្ហាញពីអ្វីដែលពួកគេនឹកបំផុតចាប់តាំងពីបញ្ហាជំងឺរាតត្បាត រួមទាំងការប្រគំតន្ត្រីផ្ទាល់ និងមិនបានជួបក្រុមអ្នកគាំទ្ររបស់ពួកគេ។
នៅពេលពួកយើងទៅសម្ដែងផ្ទាល់ ខ្ញុំទន្ទឹងរង់ចាំស្តាប់សម្លេងស្រែកបន្ទររបស់ហ្វេនៗទាំងអស់គ្នា របស់ពួកយើង។
ទោះជាបីជាជំងឺកូវីដ១៩ ផ្ដល់ផលអវិជ្ជមានមួយចំនួនដល់ពួកគេមែន ប៉ុន្តែ Nayeon បានចែករំលែកថា វាគឺជាបទពិសោធន៍មួយ ទោះជាបានត្រឹមជួបអ្នកគាំទ្រពីចម្ងាយ តែក៏បានបង្ហាញថា ទំនាក់ទំនងរវាងពួកគេជាមួយអ្នកគាំទ្រ កាន់តែរឹងមាំ។
ពីមុនអ្នកគាំទ្រតែងតែមករកពួកយើងសម្រាប់ Fan Meeting ប៉ុន្តែបច្ចុប្បន្ននេះ ពេលជួបអ្នកគាំទ្រតាមអ៊ិនធើណែត វាដូចជាពួកយើងទៅជួបហ្វេនៗនៅផ្ទះរបស់ពួកគេវិញ។ ពិតជារីករាយណាស់ដែលបានមើលបន្ទប់អ្នកគាំទ្រ បានឃើញសត្វចិញ្ចឹម កន្លែងធ្វើការរបស់ហ្វេនៗ។ បន្ទប់ពួកគេមានការរៀបចំតាំងរូបថតរបស់ពួកយើង នេះគឺជារឿងដ៏គួរឲ្យចាប់អារម្មណ៍ និងរំភើបណាស់ វាជាបទពិសោធន៍ថ្មីមួយ និងរីករាយដែរ។
ជាចុងក្រោយនេះ Jihyo បានបង្ហើបថា ប្រសិនបើស្ថានភាពជំងឺនេះអាចគ្រប់គ្រងបាន ពួកគេនឹងបានជួបអ្នកគាំទ្ររបស់ពួកគេផ្ទាល់ ហើយនាងចង់ទៅជិះទូកលេង ស្របពេលដែល Sana ចង់ទៅរៀនជិះសេះ ទោះបីជានាងមិនសូវត្រូវធាតុគ្នាជាមួយសេះក៏ដោយ៕
ប្រភព ៖ Koreaboo
Bong I.T