សុវត្ថិ មុនីវណ្ណ ច្រៀងបទ «Heartbreak Anniversary» ពីរោះ មិនចាញ់ម្ចាស់ដើម (មានវីដេអូ)

ភ្នំពេញ៖ សុវត្ថិ មុនីវណ្ណ គឺជាតារាចម្រៀងដ៏ល្បីវ័យក្មេង មួយរូប​ ដែលមានទាំងទេពកោសល្យក្នុងវិស័យសិល្បៈ និងរូបសម្បត្តិក៏ល្អទាំងព្រម មកពីធម្មជាតិ ដែលមិនខុសពីលោក ព្រាប សុវត្ថិ ដែលជាឪពុកប៉ុន្មាននោះឡើយ។

តួយ៉ាងតារាចម្រៀងរូបនេះ អាចច្រៀងជាភាសាខ្មែរ រួមទាំងភាសាអង់គ្លេស បានយ៉ាងស្ទាត់ជំនាញ ដូចជាជនជាតិដើមយ៉ាងអញ្ចឹង ដោយកន្លងមកលោកធ្លាប់បាន Cover បទចម្រៀងបរទេសដូចជា​ «Mistletoe» «One Less Lonely Girl» និង «Peaches» របស់ Justin Bieber ហើយទទួលបានការគាំទ្រខ្លាំងពីសំណាក់មហាជនផងដែរ។

ជាក់ស្តែងប៉ុន្មានថ្ងៃនេះ សុវត្ថិ មុនីវណ្ណ បានធ្វើការបកស្រាយបទចម្រៀងបរទេសថ្មីមួយទៀត ដែលមានចំណងជើងថា «Heartbreak Anniversary» របស់តារាចម្រៀង Giveon យ៉ាងពិរោះកប់សេរ៊ីតែម្តង​ ដោយបច្ចេកទេសរបស់តារាខ្មែរយើងមិនធម្មតានោះទេ ប្រសិនជាសាកស្តាប់ម្ចាស់សម្លេងម្ចាស់ដើម ហើយយកមកប្រៀបធៀប ជាមួយនឹង Cover មួយនេះ គឺប្រាកដជាពីរោះតាមរបៀបស្ទីលការច្រៀងម្យ៉ាងម្នាក់។

យ៉ាងណាមិញ អ្នកគាំទ្រ និងមហាជន បាននាំគ្នាសរសើរមិនដាច់ពីមាត់ចំពោះ សមត្ថភាពនៃការច្រៀងរបស់ តារាវ័យក្មេងរូបនេះ ដែលអាចប្រើប្រាស់សម្លេងតុងអង់គ្លេសបានយ៉ាងល្អផងដែរ៕

 ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមចូលទស្សនារូបភាព និងវីដេអូខាងក្រោម៖