បរទេស៖ អង្គការ National Geographic បានប្រកាសនៅថ្ងៃអង្គារនេះថា ខ្លួនបានទទួលស្គាល់ជាផ្លូវការនូវតំបន់ទឹកនៅជុំវិញទ្វីបអង់តាក់ទិក ថាជាមហាសមុទ្រទី5របស់ផែនដី ដែលមានឈ្មោះថាមហាសមុទ្រខាងត្បូង ឬ Southern Ocean។

ការផ្លាស់ប្តូរនេះគឺជាលើកដំបូងក្នុងរយៈពេលជាងមួយសតវត្សរ៍ ដែលអង្គការនេះបានដាក់ឈ្មោះផែនទីមហាសមុទ្រពិភពលោក ដែលកាលពីមុនមានត្រឹមតែ4ប៉ុណ្ណោះគឺ មហាសមុទ្រអាត្លង់ទិច មហាសមុទ្រប៉ាស៊ីហ្វិក មហាសមុទ្រឥណ្ឌា និងមហាសមុទ្រអាក់ទិក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកភូមិសាស្ត្រម្នាក់របស់ National Geographic លោក Alex Tait បាននិយាយថា មហាសមុទ្រខាងត្បូងត្រូវបានអ្នកវិទ្យាសាស្ត្រទទួលស្គាល់តាំងពីយូរយារណាស់មកហើយ ប៉ុន្តែដោយសារតែមិនមានការព្រមព្រៀងគ្នាជាលក្ខណៈអន្តរជាតិ គេក៏មិនបានទទួលស្គាល់វាជាផ្លូវការ។

មហាសមុទ្រខាងត្បូងលាតសន្ធឹងពីតំបន់ឆ្នេរទ្វីបអង់តាក់ទិក ដល់រយៈទទឹងខាងត្បូង60ដឺក្រេ ដោយមិនរាប់បញ្ចូលតំបន់ Drake Passage និងសមុទ្រ Scotia Sea នេះបើយោងតាម ​​National Geographic។ មហាសមុទ្រថ្មីបំផុតនេះ គឺតូចជាងគេទី2 បន្ទាប់ពីមហាសមុទ្រអាក់ទិក៕

រូបភាពពី National Geographic បង្ហាញពីមហាសមុទ្រខាងត្បូង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]