លោក Maurizio Sarri ត្រូវបានក្លិប Lazio តែងតាំងជាគ្រូបង្វឹកជំនួសលោក Simone Inzaghi

បរទេស៖ គ្រូបង្វឹកសញ្ញាតិអុីតាលីលោក Maurizio Sarri ត្រូវបានក្លិប Lazio តែងតាំងជាគ្រូបង្វឹកជំនួសលោក Simone Inzaghi ដែលបានចាកចេញទៅចូលរួមជាក្លិប Inter Milan។ លោក Maurizio Sarri ដែលធ្លាប់ដឹកនាំ ក្រុម Napoli ចំនួន៣រដូវកាល (២០១៥-២០១៨) បន្ទាប់មកផ្លាស់មកកាន់ក្រុមតោខៀវ Chelsea ចំនួន១រដូវកាល (២០១៨-២០១៩) ហើយចុងក្រោយគេគឺក្លិប Juventus ចំនួន១រដូវកាល (២០១៩-២០២០) ។

ចំពោះពានរង្វាន់ដែលលោក Maurizio Sarri ធ្លាប់ឈ្នះក្នុងនាមជាគ្រូបង្វឹកមានចំនួន២ប៉ុណ្ណោះពោលគឺ ពានរង្វាន់ UEFA Europa League ជាមួយក្រុមបាល់ទាត់តោខៀវ Chelsea ក្នុងឆ្នាំ២០១៩ និងពាន Serie A ជាមួយក្រុមបាល់ទាត់សេះបង្កង់ Juventus ក្នុងឆ្នាំ២០២០។ បច្ចុប្បន្នគ្រូបង្វឹកវ័យ៦២ឆ្នាំរូបនេះត្រូវបានក្លិប Lazio ផ្តល់សេចក្តីទុកចិត្តឲ្យដឹកនាំក្លិបចំនួន ២ឆ្នាំពោលគឺដល់ឆ្នាំ២០២៣ ដោយទទួលបានថ្លៃនឿយហត់ ៣លានផោនក្នុង១ឆ្នាំ៕

ប្រភព៖ CultofCalcio