អង់គ្លេស៖ អតីតអ្នកចាំទីក្រុមជម្រើសជាតិអង់គ្លេស លោក David James ជឿជាក់ថា លោក Ole Gunnar Solskjaer គួរតែជ្រើសរើស Dean Herderson ជាអ្នកចាំទីដៃទីមួយរបស់ Manchester United។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅពាក់កណ្តាលរដូវកាលកន្លងទៅនេះ អ្នកចាំទីសញ្ជាតិអង់គ្លេសខាងលើទទួលបានការទុកចិត្តពីសំណាក់លោក Solskjaer ឲ្យលេងជាជម្រើសដំបូងជំនួស De Gea ដែលបង្ហាញទម្រង់លេងពុំសូវបានល្អ។ វត្តមានរបស់ Henderson បានរួមចំណែក Man Utd បានច្រើនជាពិសេសរូបគេក៏ទទួលបានការកោះហៅឲ្យចូលរួមជាមួយក្រុមជម្រើសជាតិអង់គ្លេសក្នុងព្រឹត្តិការណ៍ EURO ខាងមុខនេះផងដែរ។
លោក James បាននិយាយថា៖
ខ្ញុំនឹងជ្រើសយក Henderson។ គាត់មានអាយុ២៣ឆ្នាំ ហើយ គាត់បានបង្ហាញថាគាត់អាចលេងបានក្នុងកម្រិតរបស់ក្របខណ្ឌ Premier League។ សក្តានុពលដែលគាត់មាន គឺ ល្អជាង De Gea ឆ្ងាយណាស់។ ខ្ញុំគិតថា Man Utd នឹងរីកចម្រើនទៅមុខប្រសិនបើ Henderson ជាអ្នកចាំទីដៃទីមួយរបស់ក្រុម៕
ប្រភព៖ goal
Bong I.T