ចិន៖ ដំរីអាស៊ីមួយហ្វូង ដែលដើរត្រាច់ចរក្នុងប្រទេសចិន ត្រូវបានគេប្រទះឃើញដេកយកកម្លាំងយ៉ាងស្កប់ស្កល់ នៅក្បែរភូមិមួយក្នុងសង្កាត់ Xiyang បន្ទាប់ពីមានភ្ញៀងធ្លាក់។

យោងតាមប្រភពព័ត៌មានបានឲ្យដឹងថា ហ្វូងដំរីអាស៊ីខាងលើនេះ មានចំនួន១៥ក្បាល រួមទាំងកូន៣ដំរីក្បាល ហើយបានធ្វើដំណើរក្នុងប្រទេសអស់​រយៈពេលជាង១៥ខែមកហើយ ដោយគិតជាចម្ងាយវិញប្រមាណ៥០០គីឡូម៉ែត្រឯណោះ ដែលឆ្ងាយពីជម្រកធម្មជាតិរបស់ពួកវា។ ទន្ទឹមនឹងនេះដែរ អាជ្ញាធរបាន កំពុងឃ្លាំមើលការធ្វើដំណើររបស់ពួកវាយ៉ាងដិតដល់ នៅពេលវាដើរឆ្លងកាត់វាលស្រែ ភូមិ និងទីក្រុង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហើយរដ្ឋាភិបាលក្នុងតំបន់ បានដាក់ពង្រាយដ្រូនចំនួន២៤គ្រឿង និងមនុស្សប្រមាណ៥០០នាក់ ដើម្បីតាមដានពួកវាឲ្យមានសុវត្ថិភាព និងបិទផ្លូវ ដើម្បីព្យាយាមបង្វែរពួកវាឲ្យទៅភាគនិរតី។

យ៉ាងណាមិញ ក្នុងចំណោមហ្វូងដំរី មានដំរីឈ្មោលមួយក្បាលបានផ្ដាច់ខ្លួនចេញ ដែលបច្ចុប្បន្ននៅឆ្ងាយពីហ្វូងប្រមាណ៤គីឡូម៉ែត្រ។ ហើយមូលហេតុនៃការដើរត្រាច់ចរនេះ មិនទាន់មានរបាយការណ៍ណាបង្ហាញឲ្យដឹងនៅឡើយទេ៕

សូមទស្សនារូបភាពខាងក្រោម៖

ហ្វូងដំរី
ហ្វូងដំរី
ហ្វូងដំរី
ហ្វូងដំរី
ហ្វូងដំរី
ហ្វូងដំរីកំពុងដេក
ហ្វូងដំរីកំពុងដេក

ប្រភព: BBC

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]