បរទេស៖ ក្លិបអ្នកមានបុណ្យ Barcelona នៅតែមិនទាន់សម្រេចបានក្នុងការចចារបន្តរកុងត្រាជាមួយខ្សែប្រយុទ្ធពាក់អាវលេខ១១ Ousmane Dembele ខណៈដែលកុងត្រាកីឡាកររូបនេះនឹងផុតនៅឆ្នាំ២០២២ខាងមុខនេះហើយ ការមិនទាន់អាចបន្តកុងត្រាបែបនេះអាចធ្វើឲ្យ Barcelona មានការខាតបង់ ដោយសារតែកីឡាករអាចត្រូវបានក្លឹបផ្សេងទិញយកដោយមិនមានតម្លៃខ្លួន នៅពេលដែលកុងត្រាអស់សុពលភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការចចាររវាងភាគីទាំង២ហាក់មានការឆ្ងាយពីគ្នា ប៉ុន្តែវាហាក់បីដូចជាក្រុមការងាររបស់ក្លឹបកំពុងតែខ្នះខ្នែងណាស់ដែរទាក់ទិននឹងរឿងនេះ។ បើតាមប្រភពពីកាសែត Esport3 បានឲ្យដឹងថា កិច្ចពិភាក្សារវាងភាគីទាំងពីកំពុងតែរលូនហើយ ហើយក៏អាចឈានដល់ការចុះហត្ថលេខាបន្តរកុងត្រាក្នុងពេលដ៏ខ្លីខាងមុខដែរ។
យ៉ាងណាមិញកិច្ចពិភាក្សាខាងលើត្រូវបានគេជឿជាក់ថា Barcelona កំពុងតែធ្វើតេស្តលើចិត្តរបស់ Dembele ថាគេពិតជាចង់នៅបន្តររឺយ៉ាងណា បើទោះជាក្លឹបពិតជាចង់ឲ្យកីឡាកររូបនេះបន្តរជាមួយក្លឹបទៀតក្តី ។
តែយ៉ាងណា Barcelona ក៏អាចនឹងធ្វើការដាក់តំលៃហើយលក់កីឡាកររូបនេះចេញផងដែរ បើសិនជាក្លឹបមានតម្រូវការចង់ទិញយកកីឡាករគីឡូធ្ងន់ដែលមានតំលៃថ្លៃណាមួយនោះ៕