Arteta ផ្អាកកិច្ចចរចាជាមួយ Mourinho លើការផ្ទេរតារាឆ្នើមរបស់ Chelsea ទៅ Roma ព្រោះតែមូលហេតុដ៏សាមញ្ញមួយ

អឺរ៉ុប៖ ក្រុមកាំភ្លើងធំ Arsenal និងក្រុម Roma កំពុងតែពិភាក្សាគ្នាលើកិច្ចព្រមព្រៀងមួយសម្រាប់កីឡាករ Granit Xhaka ខណៈដែលក្រុមកាំភ្លើងធំកំពុងសម្លឹងមើលខ្សែការពារ Ruben Neves របស់ក្រុម Wolves ដើម្បីជាអ្នកជំនួស។ ក្រុម Arsenal មិនទាន់ទទួលយកសំណើពីក្រុម Roma សម្រាប់ Xhaka នោះទេ ប៉ុន្តែប្រភពនៅក្លិបភាគខាងជើងទីក្រុងឡុងដ៍ជឿជាក់ថាការពិភាក្សាកំពុងតែឈានទៅរកទិសដៅត្រឹមត្រូវហើយ។

ក្រុមកាំភ្លើងធំចង់បានប្រាក់ប្រមាណជា ២០ លានផោន (២៨ លានដុល្លារ) សម្រាប់ខ្សែបម្រើវ័យ ២៨ ឆ្នាំរូបនេះដែលនៅសល់ ២ ឆ្នាំទៀតលើកិច្ចសន្យា។ ក្រុម Roma សង្ឃឹមថានឹងទិញគាត់ក្នុងតម្លៃជិតដល់ ១៥ លានផោន (២១ លានដុល្លារ) ទោះយ៉ាងណា វាជាតួលេខមួយដែល Arsenal មិនចង់ទទួល។

កីឡាករ Xhaka មានការចាប់អារម្មណ៍ចំពោះបញ្ហាប្រឈមថ្មីមួយ បន្ទាប់ពីរយៈពេល ៥ ឆ្នាំនៅ Arsenal ហើយចង់ឱ្យមានអ្វីដែលត្រូវបានរៀបចំមុនពេលចាប់ផ្តើមនៃព្រឹត្តិការណ៍ជើងឯកអឺរ៉ុប ដូច្នេះគាត់អាចផ្តោតលើកិច្ចការអន្តរជាតិជាមួយប្រទេសស្វីស៕