អឺរ៉ុប៖ ក្លិបកាំភ្លើងធំ Arsenal កំពុងធ្វើការចរចា លក់ខ្សែបម្រើ Granit Xhaka និងខ្សែការពារ Hector Bellerin ដើម្បីប្រមូលលុយ សម្រាប់ផ្ទេរខ្សែបម្រើក្រុម Wolves កីឡាករ Ruben Neves។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបើយោងតាមការចុះផ្សាយរបស់កាសែត Sky Sports Italy អតីតអ្នកចាត់ការក្រុម Arsenal លោក Unai Emery មានបំណងចង់រួមការងារជាមួយ Bellerin សាជាថ្មីម្ដងទៀត នៅក្លិបបច្ចុប្បន្ន Villarreal ខណៈក្លិប Sevilla ត្រូវបានគេរាយការណ៍មកថា ក៏មានចំណាប់អារម្មណ៍លើ Bellerin ផងដែរ។
ចំណែកឯកីឡាករ Xhaka វិញ បើតាមរបាយការណ៍របស់ Daily Express បានឲ្យដឹងថា ខ្សែបម្រើរូបនេះ កំពុងខិតជិតនឹងផ្លាស់ទៅក្លិប Roma ។
បន្ថែមពីនេះ ក្រៅពីកីឡាករទាំងពីរខាងលើ Arsenal ក៏មានគម្រោងបញ្ចេញ កីឡាករ David Luiz, Willian និង Bernd Leno ផងដែរ។
គួរបញ្ជាក់ថា ក្លិបកាំភ្លើងធំ មានបំណងប្រមូលថវិការពីការលក់កីឡាករ ដើម្បីនាំយកកីឡាករ Neves របស់ក្រុម Wolves ដែលមានតម្លៃខ្លួនខ្ទង់៤០លានផោន (ឬប្រមាណ ៥៦លានដុល្លារ) ៕