បរទេស៖ ប្រភេទសត្វ rotifer បានរស់ឡើងវិញបន្ទាប់ពីចំណាយពេល24,000ឆ្នាំជាប់ក្នុងដីកក។ អ្នកវិទ្យាសាស្រ្តសង្ឃឹមថា ការសិក្សាបន្ថែមទៀតទៅលើសត្វមួយនេះអាចឈានទៅរកការបង្កកកោសិកា ជាលិកា និងសរីរាង្គរបស់មនុស្សបានកាន់តែប្រើសើរជាងមុន។

Rotifers គឺជាពពួកសត្វដូចដង្កូវដែលចូលចិត្តរស់នៅបរិស្ថានទឹកសាប និងដីមានសំណើម។ ប្រភេទសត្វនេះត្រូវបានគេស្គាល់ថាអាចអត់ធន់នឹងស្ថានភាពរស់នៅលំបាកៗបានខ្លាំងមែនទែន ដោយសារពួកវាមានសមត្ថភាពទប់ទល់នឹងភាពរាំងស្ងួត សីតុណ្ហភាពត្រជាក់ ការអត់ឃ្លាន និងកម្រិតអុកស៊ីសែនទាប។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈការធ្វើឱ្យសត្វ rotifer អាយុកាល24,000ឆ្នាំ ដែលត្រូវបានគេរកឃើញនៅក្នុងតំបន់ដីកកស៊ីបេរី ​រស់រានមានជីវិតឡើងវិញ អ្នកវិទ្យាសាស្ត្របានបង្ហាញថាសត្វទាំងនេះពិតជាមានសមត្ថភាពខ្លាំងជាងការគិតពីមុនទៅទៀត។ ការរកឃើញថ្មីនេះ ត្រូវបានចេញផ្សាយនៅក្នុង Current Biology។

របកគំហើញថ្មីនេះគឺជាគុណសម្បត្តិរបស់មន្ទីរពិសោធន៍ Soil Cryobiology របស់ប្រទេសរុស្ស៊ី ដែលបានខួងយកគំរូពីតំបន់ដីកកស៊ីបេរី។ សត្វ rotifer ដែលទើបរស់ឡើងវិញនេះ ត្រូវបានគេរកឃើញនៅក្បែរទន្លេ Alazeya នៅភាគឦសាននៃតំបន់ស៊ីបេរី នៅជម្រៅ3.5ម៉ែត្រ៕

ប្រភព៖: Gizmodo

សត្វ rotifer

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]