ខ្សែការពារសញ្ជាតិអ៊ុយរូហ្គាយរូបនេះ បានចូលរួមជាមួយក្លិប Necaxa របស់ម៉ិកស៊ិកជាផ្លូវការ

ម៉ិកស៊ិក៖ ក្លិបនៅលីគកំពូលម៉ិកស៊ិក Liga MX បាននិយាយកាលពីថ្ងៃច័ន្ទថាខ្សែការពារកណ្តាលសញ្ជាតិអ៊ុយរូហ្គាយកីឡាករ Agustin Oliveros បានទទួលយកការផ្ទេរពីក្លិប Club Nacional ទៅកាន់ក្លិប Necaxa រួចរាល់ហើយ។

កីឡាករ Oliveros ចូលរួមជាមួយមិត្តរួមជាតិរបស់គាត់គឺកីឡាករ Vicente Poggi ជាការបន្ថែមថ្មីដល់ក្រុមរបស់ក្លិប Necaxa នៅមុនរដូវកាល Liga MX Apertura ដែលនឹងចាប់ផ្តើមនៅខែកក្កដា។

សេចក្តីថ្លែងការណ៍នៅលើគេហទំព័រផ្លូវការរបស់ក្លិប Necaxa បាននិយាយថា​ “គាត់នឹងមកដល់ក្នុងពេលប៉ុន្មានម៉ោងខាងមុខនេះដើម្បីទៅជួបគ្រូបង្វឹកលោក Guillermo Vazquez និងជំនួយការ”។ តែនៅមិនទាន់មានព័ត៌មានលម្អិតអំពីប្រភេទកិច្ចសន្យាឬរយៈពេលលេងនោះទេ។

គួររំលឹកផងដែរថាកីឡាករ Oliveros បានបង្ហាញខ្លួន ៣៧ ដងសម្រាប់ក្លិប Club Nacional របស់អ៊ុយរូហ្គាយក្រោយចាកចេញពីក្លិ​ប Racing Club Montevideo កាលពីខែកុម្ភៈឆ្នាំមុន។

កីឡាករវ័យ ២២ ឆ្នាំរូបនេះក៏ធ្លាប់បានបង្ហាញខ្លួនជាអន្តរជាតិក្នុងការប្រកួតដែលម្ចាស់ផ្ទះអ៊ុយរូហ្គាយចាញ់ក្នុងលទ្ធផល ២-០ ក្នុងការប្រកួតជម្រុះ World Cup កាលពីខែវិច្ឆិកាឆ្នាំ ២០២០។

ក្លិប Necaxa បានបញ្ចប់ជាស្ថាពរនៅក្នុងការប្រកួតពានរង្វាន់ Liga MX Clausura ឆ្នាំ ២០២០-២១ កាលពីខែឧសភា៕

ប្រភព៖ េXinhua News