បរទេស៖ ស្ថាបនិកក្រុមហ៊ុន Amazon លោក Jeff Bezos មានប្រសាសន៍ថា លោកនិងបងប្រុសរបស់លោកឈ្មោះ Mark នឹងហោះហើរទៅកាន់ទីអវកាសនាខែក្រោយ ដោយរួមដំណើរជាមួយក្រុមទេសចរដំបូងនៃយានអវកាសរបស់លោក។

លោក Bezos បានសរសេរនៅលើបណ្តាញសង្គម Instagram ថា ចាប់តាំងពីលោកមានអាយុ5ឆ្នាំ លោកមានសុបិនចង់ធ្វើដំណើរទៅទីអវកាស។ ហើយនៅថ្ងៃទី20 ខែកក្កដា លោកនឹងធ្វើដំណើរទៅជាមួយបងប្រុសរបស់លោក ដែលប្រៀបដូចជាមិត្តល្អម្នាក់។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការប្រកាសដ៏គួរឱ្យភ្ញាក់ផ្អើលនេះបានកើតឡើង កំឡុងពេលដែលក្រុមហ៊ុន Blue Origin ដែលជាក្រុមហ៊ុនអវកាសរបស់លោក Bezos កំពុងតែដេញថ្លៃកៅអីមួយក្នុងចំណោមកៅអីចំនួន6 សម្រាប់ការហោះហើរនៅខែក្រោយ។ ការដេញថ្លៃខ្ពស់ចុងក្រោយបង្អស់ គឺបានឱ្យថ្លៃដល់ទៅ3.2លានដុល្លារ ហើយតម្លៃចុងក្រោយនឹងត្រូវបានកំណត់នៅឯការដេញថ្លៃតាមអ៊ីនធើណេតនៅថ្ងៃសៅរ៍នេះ។

យានអវកាស New Shepard ត្រូវបានរចនាឡើង ដោយអាចហោះហើរដោយខ្លួនឯងបាន។ អ្នកដំណើរនឹងត្រូវបាញ់ចេញទៅទីអវកាសក្នុងចម្ងាយ100គីឡូម៉ែត្រ ដែលត្រូវបានគេចាត់ទុកថាជាព្រំប្រទល់អន្តរជាតិនៃលំហអវកាសខាងក្រៅ ហើយពួកគេនឹងចំណាយពេលប៉ុន្មាននាទីនៅទីអវកាស ដើម្បីមើលទេសភាពដ៏ធំនៃភពផែនដីនៅខាងក្រោម។ បន្ទាប់មក ពួកគេនឹងលោតចុះមករដ្ឋតិចសាស់វិញ ដោយឆ័ត្រយោងរបស់ពួកគេ។

ប្រសិនជាអ្វីៗទាំងអស់ស្របតាមផែនការ លោក Bezos នឹងក្លាយជាម្ចាស់យានអវកាសដំបូងគេបង្អស់ដែលហោះហើរទៅកាន់ទីអវកាស តាមយានរបស់ខ្លួនផ្ទាល់តែម្តង៕

លោក Jeff Bezos 

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក chlatjob[email protected]