ភ្នំពេញ៖ ផ្ទះសំណាក់ពិភពលោកត្រូវពលរដ្ឋដែលរស់នៅក្បែរខាងដាក់ការសង្ស័យថា មានទទួលបម្រី សេវាកម្មផ្លូវភេទដល់បណ្តាភ្ងៀវទាំងឡាយដែលចូលទៅសម្រាក និងម៉ាស្សានៅទីនោះទាំងយប់ ទាំង ថ្ងៃ ដោយគ្មាននរណាម្នាក់បានដឹងពីអំពើរំលោភច្បាប់របស់ថៅកែនេះឡើយ សូម្បីតែអាជ្ញាធរមូលដ្ឋាន រហូតដល់អាជ្ញាធរខណ្ឌ៧មករា។
ការសង្ស័យបែបនេះ កើតឡើងបន្ទាប់ពីកើតមានអំពើហិង្សាដាក់គ្នារវាងភ្ងៀវបុរសដែលចូលទៅម៉ាស្សានៅទីនោះនិងនារីម៉ាស្សាម្នាក់កាលពីម៉ោង១០និង២០នាទី យប់ថ្ងៃទី១០ ខែមករា ឆ្នាំ២០១១ នៅនឹង ទីតាំងផ្ទះសំណាក់យីហោពិភពលោក ដែលស្ថិតនៅទល់មុខមន្ទីរពេទ្យសម្តេចឪ ផ្លូវលេខ១៣៤ សង្កាត់មិត្តភាព ខណ្ឌ៧មករា ។
តាមប្រភពព័ត៌មានច្បាស់ការបានរាយការណ៌ថា នៅមុនពេលកើតហេតុ បុរសឈ្មោះ ហង្ស សុភាព អាយុ២៣ឆ្នាំ មុខរបរបុគ្គលិកក្រុមហ៊ុនខលហ្គេត ស្នាក់នៅផ្ទះលេខ៣០ ផ្លូវលេខ៣៦០ ប្លុកបុរីសំណង់ ១២ ខណ្ឌទួលគោក រាជធានីភ្នំពេញបានចូលទៅសម្រាក និងម៉ាស្សានៅផ្ទះសំណាក់ពិភពលោក ដោយសារតែគាត់អាការស្រៀវស្រាញ់ដែលបណ្តាលមកពីការទទួលសុរា។
ប្រភពបានបន្តទៀតថា ខណៈដែលបុរសហង្ស សុភាព ចូលទៅដល់ភ្លាម អ្នកគ្រប់គ្រងផ្ទះសំណាក់ បានឲ្យនារីឈ្មោះ ឆន ស្រីដា អាយុ២២ឆ្នាំស្នាក់នៅផ្ទះជួលម្តុំសណ្ឋាគារមានហួរ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ ទៅរៀបចំបន្ទប់ និងទទួលបម្រីភ្ងៀវឈ្មោះ សុភាព ។ ខណៈដែលនៅ ក្នុងបន្ទប់ស្ងាត់តែ២នាក់ បុរសឈ្មោះ សុភាព បានកើតមានចំណង់ចង់រួមភេទ ក៏និយាយបបួលនាង ឆន ស្រីដា ដែលកំពុងម៉ាស្សាថា ប្រសិនបើនាងយល់ព្រម យើងនឹងរួមភេទជាមួយគ្នាក្នុងបន្ទប់នេះ។ ក្រោយពីជជែកគ្នា ពួកគេទាំង២នាក់បានព្រមព្រៀងគ្នាក្នុងតម្លៃ៣០ដុល្លារ។
ប្រភពបន្តថា ខណៈដែលចាប់ផ្តើមប្រតិបតិ្តការស្នេហាកាមទេព អាប្អូនតូចរបស់បុរសឈ្មោះ សុភាព មិនព្រមឡើង ឬខឹងអ្វីឡើយ ទោះជាខំប្រឹងយ៉ាងណាក៏ដោយ ទើបគេសម្រេចចិត្តក្រោកចេញពីគ្រែរួច ចុះទៅងួតទឹក ស្លៀកពាក់ខោអាវ ក្នុងបំណងត្រឡប់មកផ្ទះវិញ។ និយាយពីនារីម៉ាស្សាឈ្មោះ ស្រីដា វិញ ខណៈឃើញបុរស សុភាព ឲ្យលុយតែថ្លៃសេវាម៉ាស្សា មិនឲ្យលុយសេវាលើគ្រែ ក៏កើតការក្តៅ ក្រហាយចិត្ត ដើរតាមទារលុយថ្លៃវ៉ៃសិច៣០ដុល្លារពីបុរសឈ្មោះ សុភាព ឲ្យតត្រុក បើទោះជា បុរស រូបនេះឆ្លើយថា រួមភេទមិនបានសម្រេច ដោយសារអាប្អូនមិនព្រមឡើងយ៉ាងណាក៏ដោយ ក៏នាងមិន ខ្វល់ដែរ។
ប្រភពបានបន្តទៀតថា ដោយសារតែទប់កំហឹងមិនបាន បុរស ហង្ស សុភាព បានវាយលើនារីម៉ាស្សា បណ្តាលឲ្យរងរបួសស្នាម ហើយត្រូវសមត្ថកិច្ចមកឃាត់ខ្លួននាំទៅប៉ុស្តិ៍ទាំង២នាក់។
ស្ថិតនៅប៉ុស្តិ៍រដ្ឋបាលសង្កាត់មិត្តភាពកាលពីយប់ថ្ងៃទី១០ ខែមករា ឆ្នាំ២០១២ គូទំនាស់បានព្រមព្រៀង គ្នាបញ្ចប់រឿងជាថ្នូរនឹងលុយ៥០០ដុល្លារ ក្រោយការជួយជ្រោមជ្រែងសម្រុះសម្រួលពីសមត្ថកិច្ច។
ដូច្នេះ ផ្ទះសំណាក់ពិភពលោក ប្រសិនបើមានលួចលាក់បម្រីសេវាកម្មផ្លូវភេទដូចការចោទប្រកាន់ របស់ពលរដ្ឋមែននោះ គួរតែបោះបង់របរនេះចេញ បើមិនដូច្នោះទេ សមត្ថកិច្ចនឹងទៅចាត់ការបិទអាជីវកម្មនេះមិនខាន ៕
ដកស្រង់ពីគេហទំព័រ នគរវត្ត
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]