ម៉ាក់ៗរឹងមាំ! ចាញ់ក្តីទុកមួយឡែក Angelina Jolie នាំកូនៗឡើងយន្តហោះដើរកម្សាន្តយ៉ាងកក់ក្តៅ

បរទេស៖ Angelina Jolie នៅតែរក្សាស្មារតីរបស់នាងឱ្យនៅចំកណ្តាលនៃការប្រយុទ្ធប្រឆាំងនឹងលោក Brad Pitt ។ យ៉ាងណាមិញ ចៅក្រមបានសំរេចចិត្តផ្តល់ឱ្យលោក Brad នូវចំនួន ៥០% នៃការថែរក្សានិងជាអាណាព្យាបាលរបស់កូនៗតូចរបស់ពួកគេជំនួសឱ្យ Angelina មានសិទ្ធិពេញលេញដូចកាលពីមុន។ សេចក្តីសម្រេចចុងក្រោយនឹងត្រូវធ្វើឡើងនៅក្នុងសាលាឧទ្ធរណ៍នៅថ្ងៃទី ៩ ខែកក្កដា។

យោងតាម People បានឲ្យដឹងកាលពីថ្ងៃ ទី៤ មិថុនា ថាក្មេងៗបានអញ្ជើញម្តាយរបស់ពួកគេយ៉ាងសកម្មទៅកាន់ភោជនីយដ្ឋានដើម្បីអបអរថ្ងៃកំណើតរបស់នាងធ្វើឱ្យនាងភ្ញាក់ផ្អើលនិងរំភើបយ៉ាងខ្លាំង។ ដោយកូនៗទាំង ៦ នាក់ក៏បានរៀបចំពិធីជប់លៀងអបអរសាទរនៅផ្ទះដោយមានអំណោយផ្ទាល់ខ្លួនសម្រាប់ម្តាយរបស់ពួកគេផងដែរ។

ដៅយឡែក កាលពីថ្មីៗនេះបន្ទាប់ពីបានធ្វើពិធីគម្រប់វ័យ៤៦ឆ្នាំរួចភ្លាម Angelina ម្ដាយនិងកូនៗត្រូវបានគេឃើញនៅអាកាសយានដ្ឋានអន្តរជាតិ John F. Kennedy កាលពីថ្ងៃសៅរ៍ដោយមានអីវ៉ាន់ជាច្រើន។ ពួកគេម្នាក់ៗបានយកវ៉ាលីដាច់ដោយឡែកមួយដែលហាក់ដូចជារៀបចំសម្រាប់ការធ្វើដំណើរវែងឆ្ងាយ។ ពោល នេះជាដំណើរកម្សាន្តលើកទីមួយរបស់គ្រួសារ Angelina បន្ទាប់ពីរយៈពេលជាងមួយឆ្នាំនៅទីក្រុង Los Angeles ដើម្បីចៀសវាងការរីករាលដាលជំងឺកូវីដ-១៩៕

សូមទស្សនារូបភាពខាងក្រោម៖

ប្រភព៖ ngoisao