បរទេស៖ ឆ្ងល់ទេថាហេតុអ្វីបានជាសត្វមូសចេះតែហោះក្រវែលត្រចៀករបស់យើង ហើយបញ្ចេញសំឡេងរំខានគួរឱ្យធុញ? ហើយហេតុអ្វីបានជាពួកវាបញ្ចេញសំឡេងរំខាននោះ?

លោក Michael Riehle សាស្រ្តាចារ្យផ្នែក entomology នៅសាកលវិទ្យាល័យអារីហ្សូណាមានប្រសាសន៍ថា សំឡេងរំខានដែលយើងលឺនោះ គឺជាសំឡេងស្លាបរបស់មូស។ សំឡេងនោះមិនបន្លឺបានឆ្ងាយនោះទេ យើងស្តាប់លឺវាភាគច្រើននៅពេលមូសហោះជុំវិញត្រចៀកយើងតែប៉ុណ្ណោះ។. 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សំឡេងរំខានដែលយើងច្រើនតែលឺនោះ គឺមកពីមូសញី។ នោះក៏ព្រោះតែមូសញី និងមូសឈ្មោលមានការរស់នៅផ្សេងពីគ្នា។ មូសឈ្មោលតែងតែហោះទៅទំលើផ្កា ក្រេបទឹកលម្អង។ ពួកវាមិនខ្វល់ពីមនុស្សឡើយ។ ប៉ុន្តែមូសញីត្រូវការឈាមដើម្បីមានថាមពលគ្រប់គ្រាន់ក្នុងការផលិតពង។

លោក Riehle បន្តថា ពីចម្ងាយ មូសញីផ្តោតលើក្លិនកាបូនឌីអុកស៊ីតដែលសាយភាយចេញពីរាងកាយរបស់យើង ពេលយើងដកដង្ហើមចេញ។ កាបូនឌីអុកស៊ីតរំញោចឱ្យមូសញីចាប់ផ្តើមស្វែងមនុស្សនោះ វាក៏ហោះទៅរកប្រភពនៃកំហាប់នោះ។

និយាយឱ្យចំទៅ មូសមកបញ្ចេញសំឡេងរំខាននៅជុំវិញក្បាលរបស់មនុស្ស ដោយសារតែនោះជាកន្លែងដែលមនុស្សបញ្ចេញកាបូនឌីអុកស៊ីតច្រើនបំផុត។

នៅពេលដែលមូសញីហោះឆ្ពោះទៅគោលដៅរបស់វា ស្លាបវាទទះប្រហែលជា500ដងក្នុងមួយវិនាទីក្នុងហ្វ្រេកង់450 ទៅ500ហឺត។

ខណៈដែលសំឡេងនេះ មនុស្សយើងស្តាប់ទៅវាគួរឱ្យរំខាន តែវាគឺដូចជាតន្រ្តីសម្រាប់មូសឈ្មោលទៅវិញ៕

ប្រភព៖: Livescience

រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]