បរទេស៖ ប្រធានក្រុមជម្រើសជាតិអេស្ប៉ាញកីឡាករ Sergio Busquets បានធ្វើតេស្តវិជ្ជមាន Covid-19 ប្រាំថ្ងៃមុនការចាប់ផ្តើមនៃការប្រកួត Euro ២០២០ មកដល់ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសហព័ន្ធបាល់ទាត់អេស្បាញ (RFEF) បានបញ្ជាក់កាលពីថ្ងៃអាទិត្យថាខ្សែបម្រើក្រុម Barcelona បានចាកចេញពីជំរុំហ្វឹកហាត់ Las Rozas របស់ពួកគេបន្ទាប់ពីប្រកាសលទ្ធផលថាវិជ្ជមាននៅក្នុងការធ្វើតេស្តចុងក្រោយ។
ទោះជាយ៉ាងណាក៏ដោយកីឡាករផ្សេងទៀតទាំងអស់បានបង្ហាញលទ្ធផលអវិជ្ជមានពីរថ្ងៃបន្ទាប់ពីលទ្ធផលស្មើ ០-០ របស់ពួកគេពេលប៉ះព័រទុយហ្កាល់នៅទីក្រុងម៉ាឌ្រីត។
នៅសប្តាហ៍នេះខ្សែបម្រើសញ្ជាតិស្កុតឡេន John Fleck និងអ្នកចាំទីហូឡង់ Jasper Cillessen ទាំងពីរបានធ្វើតេស្តវិជ្ជមាន Covid-19 ដោយធ្វើឱ្យគ្រោះថ្នាក់ដល់ក្តីសង្ឃឹមរបស់ពួកគេក្នុងការបង្ហាញខ្លួននៅក្នុងការប្រកួត Euro ២០២០ លើកដំបូងរបស់ក្រុមរបស់ពួកគេ។
អេស្ប៉ាញនឹងបើកការប្រកួតវគ្គចែកពូល Euro ២០២០ ទល់នឹងស៊ុយអែតនៅថ្ងៃច័ន្ទទី ១៤ ខែមិថុនានេះ ហើយនឹងត្រូវប៉ះប៉ូឡូញនិងស្លូវ៉ាគីក្នុងពូល E ជាមួយនឹងការប្រកួតទាំងអស់ដែលនឹងត្រូវធ្វើឡើងនៅឯកីឡាដ្ឋាន Estadio La Cartuja ក្នុងទីក្រុង Sevilla ។
គួរឲ្យដឹងផងដែរថាការប្រកួតរបស់អេស្ប៉ាញនឹងត្រូវដឹកនាំក្រុមដោយលោក Luis De La Fuente ដែលជាគ្រូបង្វឹក U21 អេស្ប៉ាញ ដោយសារតែលោក Luis Enrique ត្រូវនៅធ្វើចតាលីស័ក១៤ថ្ងៃ ក្រោយប៉ះពាល់ផ្ទាល់ជាមួយ Besquets នេះបើតាមសេចក្តីជូនដំណឹងរបស់ សហព័ន្ធបាល់ទាត់អេស្បាញ (RFEF)៕