ស្ងាត់ៗ ក្រុមតារាចម្រៀងកូរ៉េ 2PM បង្ហើបពីការដាក់ Trailer ​មួយសម្រាប់​អ្នក​គាំទ្រ

ក្រុមតារាចម្រៀងកូរ៉េ 2PM បានស្ងាត់ពីវិស័យចម្រៀងជាក្រុមរបស់ខ្លួនតាំងពីឆ្នាំ២០១៦​ ដែលកាលពីម្សិលមិញនេះ នៅថ្ងៃទី៦ ខែមិថុនា ឆ្នាំ២០២១ ក្រុមតារាចម្រៀងមួយនេះ បានបញ្ចេញនូវ Trailer របស់ខ្លួន ផ្អើលអ្នកគាំទ្ររបស់​ខ្លួនយ៉ាងខ្លាំង ដែលនៅក្នុងនេះផងដែរសមាជិកទាំង៦នាក់បានស្លៀកពាក់ ក៏ដូចជាបង្ហាញនូវរូបរាងដ៏ស៊ិចស៊ី សាច់ដុំ​៦​កំណាត់របស់សមាជិកនីមួយៗផងដែរ។

គួរបញ្ជាក់ផងដែរថា អាល់ប៊ុមទី៧របស់ក្រុម2PM នឹងចេញនៅថ្ងៃទី២៨ មិថុនា ឆ្នាំ២០២១ ហើយវីដេអូចម្រៀង​ជាផ្លូវការដែលមានចំណងជើងថា MUST នឹងចេញនៅថ្ងៃតែមួយ ម៉ោង៦ល្ងាច (៤ល្ងាចម៉ោងនៅកម្ពុជា) ដូច្នេះ ប្រិយមិត្តដែលជាហ្វេនៗកុំភ្លេចចូលទស្សនាផងណា៕