កាន់តែប្លែក! បែកធ្លាយឈុត​គម្រូតំបូង​របស់កំពូល​វីរបុរស Shazam របស់ DCEU (មានវីដេអូ)

បរទេស៖ Shazam! គឺជាខ្សែភាពយន្តកំពូលវីរបុរសដ៏ល្អបំផុតមួយនៅក្នុងចក្រវាឡ DCEU របស់ក្រុមហ៊ុន DC ដែល​រូបគេមានថាមពលដ៏អស្ចារ្យពិសេសមួយដែលមានកម្លាំងអស្ចារ្យដូចទៅនឹងទេវតាអរ និងវីរៈបុរសពីសម័យ​បុរាណ​ដូចជា Solomon មានប្រាជ្ញាខ្ពស់ , Hercules មានភាពរឹងមាំ , Atlas មានកម្លាំងខ្លាំងខ្លា, Zeus មាន​សមត្ថភាពគ្រប់គ្រងរន្ទះ, ក្លាហានដូចជា Achilles និងមានល្បឿនលឿនដូច Mercury ដែលអក្សដំបូងនៃឈ្មោះ​ទេវតា​ទាំងនោះបង្កើតបានជា SHAZAM មួយ។

ទោះជាយ៉ាងណាក៏ដោយបើទោះបីជាខ្សែភាពយន្ត Shazam! វគ្គ១ ទទួលបានផលវិជ្ជមានជាច្រើនក្ដីក៏​នៅមាន​ចំនុច​អវិជ្ជមានមួយចំនួនទៀតផងដែរ​ ដែលក្រុមអ្នកគាំទ្រមិនសូវជាពេញចិត្តប៉ុន្មានទេ​ក្នុងនោះមានចំនុច​មួយគឺ​ទាក់ទង​ទៅនឹងឈុតរបស់វីរបុរស Shazam ដែលសម្ដែងដោយលោក Zachary Levi នេះឯង។

យ៉ាងណាមិញចំពោះបញ្ហាឈុតវីរបុរសនេះត្រូវបានគេលើកមកនិយាយជាថ្មីម្ដងទៀត ប៉ុន្តែវាគឺទទួលបានភាពវិជ្ជមាន​ពីហ្វេនៗ​អ្នកគាំទ្រពោលគឺអ្នកដឹកនាំរឿងលោក David F Standberg ដែលជាអ្នកនិយមលេងបណ្ដាញសង្គម​ផងដែរនោះដែលលោកតែតែងទទួលយកពាក្យរិះគុនបែបស្ថាបនាពីសំណាក់ទស្សនិកជន​គឺលោកបានបញ្ចេញ​ឈុត​របស់ Shazam ថ្មីដែលធ្វើអោយប្រិយមិត្តបានឃើញពិតជាពេញចិត្តដោយសាររូបរាងស្អាត​ហើយអស្ចារ្យរបស់​វាមុន​ដូចកាលពីវគ្គមួយឡើយ៕