យល់ដឹង៖ តើអ្នកកំពុងតែគិត ឬស្វែងរកថាពណ៌អ្វី ដែលអ្នកគួរលាបជាមួយក្រចករបស់អ្នកមែនទេ។ ថ្នាំក្រចកពិតជាមានពណ៌ច្រើន និងខុសគ្នា ដូច្នេះវាពិតជាពិបាកក្នុងការជ្រើសរើសពណ៌ណា ដើម្បីសក្ដិសមនឹងដៃរបស់អ្នក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហោរាសាស្ត្រពិជាអាចជួយអ្នក ស្វែងរកនូវពណ៌ដែលមានអត្ថន័យដែលសក្ដិសម ទៅនឹងបុគ្គលិកលក្ខណៈរបស់អ្នក និងមានអត្ថន័យជាច្រើនផ្សេងគ្នាផងដែរ។
ដូច្នេះខាងក្រោមនេះ នឹងបង្ហាញយ៉ាងច្បាស់នូវពណ៌ក្រចក ដែលល្អបំផុតសម្រាប់តារានិករនីមួយ ៖
♈️ Aries (Mar 21 – Apr 19)
ពណ៌ក្រហមគឺជាពណ៌ដែលតំណាងឲ្យ Aries និងជាចំណង់ចំណូលចិត្តនៃ តារានិករធាតុភ្លើងនេះផងដែរ។ ថ្ពាល់ បបូរមាត់ ឬក្រចកពណ៌ក្រហម ពិតជាអាចតំណាងឲ្យអ្នក និងសក្ដិសមនឹងអ្នកខ្លាំងណាស់។ មិនត្រឹមតែប៉ុណ្ណោះទេ ពណ៌ក្រហមនេះធ្វើឲ្យអ្នកមានអំនាច និងភាពទាក់ទាញផងដែរ។
♉️ Taurus (Apr 20 – May 20)
ពណ៌បៃតងចាស់ គឺជាពណ៌មួយ ដែលគួរឲ្យទាក់ទាញណាស់។ ក្នុងនាមជាតារានិករធាតុដី Taurus មានទំនោរទៅនឹងផែនដីជាមួយនឹងភាពច្នៃប្រឌិតរបស់ពួកគេ។ វាមិនត្រឹមតែជាពណ៌ដែលទាក់ទាញនោះទេ ថែមទាំងជាពណ៌សំណាង និងតំណាងឲ្យមាសប្រាក់ ហើយក៏ជាអ្វីដែល Taurus ស្រលាញ់ខ្លាំងដែរ។
♊️ Gemini (May 21 – Jun 20)
Gemini អ្នកគួរតែមកសាកល្បង ជាមួយពណ៌ដែលកំពុងល្បីល្បាញ ដូចជាពណ៌លឿង ឬក៏ hot pink ។ Gemini គឺជាមនុស្សដែលអាចនឹង ឆាប់ធុញទ្រាន់បានយ៉ាងងាយស្រួល ដូច្នេះហើយអ្នកគួរតែជ្រើសរើសពណ៌ណាដែលលេចធ្លោ និងទាក់ទាញ។
♋️ Cancer (Jun 21 – Jul 22)
Cancer គឺជាតារានិករមួយដែលមានចិត្តស្រទន់ ស្មោះត្រង់ និង ឆាប់ប៉ះទង្គិចបំផុត។ ដោយសារតែភាពស្រទន់របស់ពួកគេនេះហើយ ធ្វើឲ្យពួកគេគួរតែជ្រើសរើសនូវពណ៌ដែលស្រាលៗ មិនដិតពេក។ ពណ៌ទាំងនេះពិតជាឆ្លុះបង្ហាញបានយ៉ាងច្បាស់ពីពួកគេ និងធ្វើឲ្យកាន់តែគួរឲ្យស្រលាញ់ផងដែរ។
♌️ Leo (Jul 23 – Aug 22)
តារានិករ Leo គឺតំណាងឲ្យភាពជាអ្នកដឹកនាំ និងអំនាច ហើយថែមទាំងស៊ីវីល័យទៀតផង។ ពណ៌ផ្កាឈូកដិត ពិតជាសក្ដិសមនឹងអ្នក ពីព្រោះវាមិនមែនគួរឲ្យស្រលាញ់ទេ តែវាមានភាពទាក់ទាញ និងស៊ីវីល័យខ្លាំងណាស់។ សក្ដិសមជាមួយនឹងអំណាចរបស់អ្នក។
♍️ Virgo (Aug 23 – Sep 22)
តារានិករ Virgo មានលក្ខណៈគិតច្រើន ឬក៏អាចមិនសូវខ្វល់ក្នុងពេលតែមួយ ហើយអ្នកគឺនឹងធ្វើអ្វីៗគ្រប់យ៉ាង ដើម្បីឲ្យល្អឥតខ្ចោះ។ សូមមករំលេចនូវសម្រស់ធម្មជាតិរបស់អ្នកជាមួយនឹង ក្រចកពណ៌ឈាមជ្រូកដ៏គួរឲ្យទាក់ទាញ ព្រោះពណ៌នេះពិតជាសក្ដិសមបំផុតសម្រាប់អ្នក។
♎️ Libra (Sep 23 – Oct 22)
តារានិករ Libra គឺតំណាងឲ្យតុល្យភាព និងភាពស្មោះត្រង់។ ពួកគេពិតជាស្មោះត្រង់ ហើយតែងតែរកសន្តិភាពមិនថាចំពោះខ្លួនឯង ឬសម្រាប់អ្នកផ្សេងឡើយ ព្រោះគេជាមនុស្សដែលស្រលាញ់មិត្តភក្ដិណាស់។ ដូច្នេះថ្នាំលាបក្រចកពណ៌ផ្កាឈូកស្លេក គឺល្អឥតខ្ចោះសម្រាប់អ្នក។
♏️ Scorpio (Oct 23 – Nov 21)
តារានិករ Scorpio ជាតារានិករមួយដែលខ្លាំង និងពោរពេញទៅដោយថាមពល។ ពួកគេតឹងតែងក្នុងការងារ និងម៉ត់ចត់ខ្លាំងណាស់។ ពួកគេតែងតែប្រើថាមពលរបស់ពួកគេជានិច្ច ក្នុងការធ្វើអ្វីដែលចង់បាន ហើយគឺត្រូវតែបានវាផងដែរ។ ដូច្នេះពណ៌ខ្មៅពិតជាសក្ដិសម នឹងថាមពល និងអំនាចរបស់អ្នកណាស់។
♐️ Sagittarius (Nov 22 – Dec 21)
Sagittarius អ្នកគឺជាតារានិករនៃភាពរីករាយ នៃសេចក្តីស្រលាញ់នៃរាសីចក្រ។ ការប្រថុយនឹងហានិភ័យគឺងាយស្រួលណាស់សម្រាប់អ្នក។ ម៉្យាងទៀតអ្នកក៏ជាមនុស្សដែលត្រូវការភាពទាក់ទាញ និងលេចធ្លោរបស់អ្នក ឲ្យអ្នកដទៃបានដឹង។ ដូច្នេះពណ៌ទឹកមាសប្លេកដ៏ភ្លឺចែងចាំង ពិតជាសក្ដិសមនឹងអ្នក។
♑️ Capricorn (Dec 22 – Jan 19)
Capricorn ជាតារានិករមួយដែលចូលចិត្តធ្វើការ និងខិតខំប្រឹងប្រែជាទីបំផុត។ ពេលខ្លះគេអាចនឹងមិនសូវនិយាយច្រើន តែគេក៏ត្រូវការ attention ពីអ្នកដទៃច្រើនដែរ។ ពណ៌រាងដិត ដូចជាក្រហមដិត ឬទឹកក្រូច គឺល្អឥតខ្ចោះសម្រាប់អ្នក ក៏ដូចជាបន្ថែមនូវភាពទាក់ទាញបន្តិចបន្តួច នៅពេលធ្វើការនៅការិយាល័យ។
♒️ Aquarius (Jan 20 – Feb 18)
Aquarius គឺជាតារានិករដែលស្រលាញ់ភាពស្អាត មិនថាទៅណាក៏ត្រូវតែស្អាតដាច់គេ ហើយអ្នកក៏ចូលចិត្តធ្វើអ្វីដោយខ្លួនឯង និងខុសប្លែកពីអ្នកដទៃ។ ដូច្នេះសូមមកសាកជាមួយក្រចកពណ៌ទឹកប៊ិច ព្រោះពណ៌នេះពិតជាលេចធ្លោ និងធ្វើឲ្យដៃអ្នកមើលទៅឃើញស្អាត។
♓️ Pisces (Feb 19 – Mar 20)
Pisces ក៏ជាតារានិករមួយដែលមានភាពទន់ចេញមកពីខាងក្នុង និងឆាប់ប៉ះពាល់ផ្លូវចិត្តផងដែរ។ ម៉្យាងទៀតអ្នកជាមនុស្សដែលពូកែស្រមើស្រមៃ មានការស្រមៃខ្ពស់ និងមានទំនោរទៅរកអ្វីដែលជាសិល្បៈច្រើន។ ដូច្នេះពណ៌ស ដែលតំណាងឲ្យភាពស្មោះត្រង់ ពិតជាសក្ដិសមនឹងអ្នកណាស់។
ប្រភព: ESSENCE