ភ្នំពេញ៖ ជាការពិតណាស់ ប្រិយមិត្ត ពុកម៉ែបងប្អូន ប្រាកដជាជ្រាបច្បាស់ពី កំពូលតារាចម្រៀង លោក ព្រាប សុវត្ថិ និង លោក ខេមរៈ សិរីមន្ត បើទោះតារាទាំងពីរដួងនេះអាចនិយាយបានថាជាតារាជើងចាស់ និង មានវ័យកាន់តែទៅមុខក៏ដោយ ប៉ុន្តែប្រជាប្រិយភាព និងសម្លេងដ៏ពិរោះរណ្ដំរបស់អ្នកទាំងពីរ នៅតែអាចឆាបយកបេះដូងហ្វេនៗគ្រប់ស្រទាប់វ័យបានដដែល ជាពិសេស រូបលោកនៅតែសង្ហាដដែលថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក្រៅពីធ្វើឲ្យទស្សនិកជនទាំងអស់ ចាប់អារម្មណ៍ជាមួយការងារសិល្បៈនិងរូបរាងសង្ហាកំពូលតារាទាំងពីរដួងនេះហើយ មួយរយៈចុងក្រោយនេះលោក ព្រាប សុវត្ថិ និង លោក ខេមរៈ សិរីមន្ត បានធ្វើឲ្យហ្វេនៗតាមដានយ៉ាងកៀកកិតអំពីជីវិតក្រៅឆាក ជីវិតគ្រួសារដ៏មានសុភមង្គលជាមួយកូនៗ និងភរិយា ដោយតែងបង្អួតពីភាពផ្អែមល្ហែមមិនចេះអស់។
ជាក់ស្ដែង កាលពីពេលថ្មីៗនេះ យោងតាមរយៈវីដេអូTik tok គណនីលោក ព្រាប សុវត្ថិ ផ្ទាល់ និងគណនីលោក ខេមរៈ សិរីមន្ត បានបង្ហោះវីដេជាច្រើន បង្ហាញពីសកម្មភាពដែលភរិយារបស់លោកទាំងពីរតាមTake care និងមើលថែរូបលោក ដល់កន្លែងថតតែម្ដង។ ក្នុងនោះដែរ បើមើលតាមវីដេអូឃើញថា ភរិយារបស់ ព្រាប សុវត្ថិ បានយកចិត្តទុកដាក់ចំពោះរូបលោកខ្លាំងណាស់ ដោយបានជួយរៀបចំសក់ សម្លៀកបំពាក់ជូនលោក ខ្លាចមានការឆ្គាំឆ្គង ដែលនេះជាសកម្មភាពគួរឲ្យសរសើរយ៉ាងខ្លាំង។ ចំណែកឯភរិយាលោក ខេមរៈ ក៏ដូចគ្នាជួយរៀបចំម៉ូដសក់ ថែមទាំងបញ្ចុកទឹកផ្សេងៗទៀតផង៕
បន្ទាប់ពីបានឃើញវីដេអូនោះហើយ ធ្វើឲ្យហ្វេនៗលួចមានចិត្តច្រណែន និងពេញចិត្តចំពោះគូស្វាមីភរិយាទាំងពីរគូនេះយ៉ាងខ្លាំង ដោយបញ្ចេញមតិថា ទង្វើដែលភរិយា ព្រាប សុវត្ថិ និង លោក ខេមរៈ សិរីមន្ត បានធ្វើនេះ សាកសមនឹងពាក្យចាស់ពោលថា«សំណាបយោងដី ស្រីយោងបុរស» ពិតមែន៕
សូមទស្សនារូបភាព និង ជូនវីដេអូខាងក្រោម៖