តារាឆ្នើម​របស់​ក្រុមអធិរាជស រូបនេះ ត្រូវបានក្លិបយក្សរបស់​អេស្ប៉ាញ​ចំនួន២ ដាក់សំណើដណ្ដើមគ្នាយក

អឺរ៉ុប៖ តាមសេចក្តីរាយការណ៍ថា Atletico Madrid មានចំណាប់អារម្មណ៍ចង់ចុះកិច្ចសន្យាជាមួយ Alvaro Odriozola ពីក្លឹប Real Madrid ក្នុងទីផ្សារដោះដូរកីឡាករនារដូវក្តៅខាងមុខនេះ។ យោងតាមរបាយការណ៍របស់​កាសែតអេស្បាញ Fichajes បានអោយដឹងថា Alvaro Odriozola នឹងបញ្ចប់ការស្នាក់នៅរបស់គាត់នៅ Real Madrid នៅរដូវក្តៅដោះដូរកីឡាករ។ ខ្សែការពារសញ្ជាតិអេស្ប៉ាញវ័យ ២៤ ឆ្នាំរូបនេះគឺទទួលការចាប់អារម្មណ៍ពី Atletico Madrid ខណៈដែល Athletic Bilbao ក៏សង្ឃឹមថានឹងដាក់សំណើយករូបគេពី Los Blancos ផងដែរ។

ការចាប់អារម្មណ៍លើ Odriozola គឺជាប្រធានបទពិសេសមួយ ដោយ Atletico Madrid មានឱកាសគ្រប់គ្រាន់​ក្នុងការយកគាត់ចេញពី Real Madrid ។ ក្រៅពី Los Rojiblancos ក្លិប Athletic Bilbao ក៏មានចំណាប់អារម្មណ៍​ចង់ចុះកិច្ចសន្យាជាមួយខ្សែការពារសញ្ជាតិអេស្ប៉ាញរូបនេះផងដែរ ។

ចំណែកឯ Real Madrid វិញ គេសង្ឃឹមថានឹងទទួលបានមកវិញនូវចំនួនទឹកប្រាក់គ្រប់គ្រាន់ក្នុងកាផ្ទេរ Odriozola ដែលក្រោយមកពួកគេអាចវិនិយោគចូលទីផ្សារដោះដូរសម្រាប់ការផ្ទេរកីឡាករអាទិភាពរបស់ពួកគេ៕